Presidenti i Kosovës Hashim Thaçi bisedoi, dje, me gazetarin Blendi Fevziu, në emisionin Opinion. Zoti Thaçi foli për marrëdhëniet e Kosovës me Shqipërinë dhe Serbinë, si dhe për zhvillimet më të fundit politike në Kosovë.
Më poshtë po sjellim një përmbledhje të pohimeve kryesore të tij.
Për marrëdhëniet me Shqipërinë
- Unë nuk e kam lexuar dhe nuk e di që është nënshkruar një marrëveshje, por një projekt i tillë nuk ekziston. Shqipëria të mbyllë një herë autostradën Durrës – Kukës ku po vdesin kosovarë çdo ditë në urat e pambyllura sesa të mendojë për lidhjen me Nishin.
- Shteti i Kosovës dhe shteti shqiptar kanë raporte të shkëlqyera në nivel institucional dhe në nivel privat.
Për marrëdhëniet me Serbinë
- Serbia vend më europian, nuk është. Derisa cenon integritetin e Kosovës, derisa vendos struktura paralele në Veri të Kosovës, derisa cënon sovranitetin e Kosovës, derisa nuk kthen të pagjeturit që ka ende varrezat masive në Beograd.
- Ka vrarë mbi 12 mijë shqiptarë, ka kryer gjenocid 20 mijë gra janë të dhunuara nga Serbia dhe këta njerëz kanë qenë në pushtet në kohën e Milloshevicit.
- Problematika Beogradi me shqiptarët është një problematikë që ndërlidhet mes Serbisë dhe Kosovës e shqiptarët që kanë jetuar në ish-Jugosllavi, Shqipëria nuk ka qenë në luftë me ish-Jugosllavinë.
