Konfirmohen dy rastet e para me koronavirus në Shqipëri.
Dy persona, një burrë 54 vjeç dhe djali i tij 28 vjeç kanë koronavirus. Ata kanë ardhur nga Firenze, Itali me makinë.
Gjendja e tyre eshtë e qendrushme. Ata po kurohen në spitalin e Infektivir në QSUT.
Lajmi u konfirmua në orët e para të mengjesit nga Ministria e Shëndetësisë.
Në njoftimin e saj, Ministria informon se gjendja e dy të sëmurëve është e stabilizuar dhe ata po i nënshtrohen trajtimit në spitalin infektiv të QSUT-së në Tiranë.
Të sëmurët kanë telefonuar shërbimin e urgjencës pasi kanë ndjerë simptoma gripale.
Aty u janë marrë mostrat nga shërbimi ambulant në banesën e tyre. Rezultatet e testimit janë mësuar te dielën në mbrëmje vonë dhe u bënë publike nga ministria disa orë më vonë.
Në njoftimin e saj, Ministria ka përsëritur thirrje se të gjithë personat që kanë udhëtuar në vende të prekura dhe që ndjejnë simptoma gripale të telefonojnë në numrin 127.
Shqipëria ishte i vetmi vend i painfektuar që prej janarit 2020 kur u përhap virusi.
