Fillojnë ndërtimet në parkun e liqenit

Fillojnë ndërtimet në parkun e liqenit

Kryebashkiaku i Tiranës Erion Veliaj ka urdhëruar fillimin e punimeve për këndin e debatuar të lojrave në territorin e parkut kombëtar të liqenit. Dje, në park kanë hyrë makineritë e rënda, të cilat kanë filluar gërryerjen e dheut, për të përgatitur kantierin e ndërtimit.

Punimet po bëhen në shkelje të hapur të ligjit, pasi për këndin e lojrave nuk ka ende leje ndërtimi. Ky veprim duket arrogant dhe absurd po të kihet parasysh se Këshilli Kombëtar i Territorit, i cili duhet të lëshojë lejen e ndërtimit, është i gjithi nën kontrollin e qeverisë.

Kundër ndërtimit të këndit të lojrave ditët e fundit ka patur reagime të shumta nga qytetarë dhe veprimtarë civilë. Dy ditë më parë një grup qytetarësh prishën në mënyrë demonstrative gardhin e rrethimit të kantierit të ndërtimit. Ata kërkojnë zbatimin e ligjit që kërkon zhvillimin e dëgjesave publike me qytetarët para vendim-marrjes për çdo lloj ndërtimi.

I ashtuquajturi kënd lojrash është, në fakt, një infrastrukturë argëtimi urbane, e cila përfshin platforma dhe struktura betoni, si dhe ndërtime të ngurta. Praktikisht, ky kënd do të urbanizojë një ndër të të fundit hapësira të gjelbra të mbetura në Tiranë.

 

 

 

Artikuj të lidhur:

Kënd lojrash plus lokal në park: vendimi i paligjshëm dhe arbitrar i Kryebashkiakut Veliaj

Kryebashkiaku Veliaj masakron pemët e parkut dhe mashtron publikun

 

Lajme te ngjashme