KQZ i heq mandatin Roshit, Selamit dhe Tahirit

KQZ i heq mandatin Roshit, Selamit dhe Tahirit

Komisioni Qendror i Zgjedhjeve i hoqi sot mandatet deputetëve Dashamir Tahiri dhe Shkëlqim Selami dhe kryebashkiakut të Kavajës Elvis Rroshi. Ato akuzohen se kanë fshehur të shkuarën e tyre kriminale në formularin e vetëdeklarimit, siç e parashikon ligji i dekriminalizimit.

Kryetari i KQZ-së Krenar Biba u shpreh se KQZ shpalli të pavlefshëm dhe përfundimin e parakohshëm të mandatit të kryebashkiakut të Kavajës Elvis Rroshi, deputetit Dashamir Tahiri dhe Shkëlqim Selami.

Tani i takon Kryeministrit Rama dhe Kryetarit të Kuvendit Meta ti shkarkojnë përfundimisht ato.

Vendimi i KQZ-së u përshendet nga Kryetari i opozitës Lulzim Basha si dhe nga Ambasada Amerikane.

Sipas hetimeve të deritanishme të Prokurorisë:

Deputeti i PDIU-së Dashamir Tahiri rezulton i dënuar në Itali për veprën e falsifikim të parave dhe përdorimi i dokumentave të falsifikuara.

Deputeti i LSI-së Shkëlqim Selami rezulton se ka qënë i dënuar me burg nga gjykata e Brindizit, në Itali.

Kryebashkiaku i Kavajës Elvis Rroshi rezulton i dënuar në Itali për veprën penal të përdhunimit në grup, për trafik droge dhe pastrim parash.

Prokuroria e Përgjithshme para pak ditësh njoftoi zyrtarisht Komisionin Qendror te Zgjedhjeve se tre zyrtarët e lartë duhet të shkarkohen nga funksionet publike sipas ligjit të dekriminalizimit.

Ndërkohë, prokuroria po vazhdon verifikimet edhe për zyrtarë të tjerë në kuadër të ligjit “Për dekriminalizimin”.

Lajme te ngjashme