Rama: Njohja e pavarësisë së Kosovës nga Serbia? Më e lehtë të thuhet se sa të bëhet

Rama: Njohja e pavarësisë së Kosovës nga Serbia? Më e lehtë të thuhet se sa të bëhet Kryeministri shqiptar Edi Rama dhe Kryemistri serb Aleksandar Vuçiç

Kryeministri Edi Rama, në një intervistë për të përditshmen serbe “Blic”, ka shprehur mirënjohjen për presidentin serb Vuçiç dhe për iniciativën e tij për të zgjidhur konfliktin me Kosovën.

Gjithsesi kryeministri Rama u shpreh se njohja e plotë e pavarësisë së Kosovës nga Serbia është “gjë më e lehtë të thuhet se sa të bëhet”.

Kryeministri e quajti  idenë e ministrit të jashtëm serb Ivica Daçiç se Kosova veriore mund të bashkohej me Serbinë dhe Lugina e Preshevës mund t’i shtohej Kosovës një “propozim i pazakonshëm”.

Zoti Rama foli gjithashtu dhe për marrëdhëniet mes Shqipërisë e Serbisë, duke theksuar se “janë më të mira se ç’kanë qenë ndonjëherë.”

Disa nga deklaratat kryesore të Kryeministrit Rama janë:

“E respektoj shumë iniciativën e Aleksandar Vuçiqit që të thërret për dialog të brendshëm për Kosovën dhe në këtë formë të ballafaqohet direkt dhe në mënyrë jo-tradicionale me të kaluarën.”

“Zgjidhja e problemit të Kosovës është e thjeshtë – njohje të plotë të Republikës së Kosovës nga ana e Serbisë, por kur të futem në këpucët e Aleksandar Vuçiçit, jam i vetëdijshëm se kjo gjë është më lehtë të thuhet se të bëhet.”

“Të gjithë duhet të kemi në mendje se gjetja e një zgjidhjeje për këtë çështje është në interes të të gjithëve, jo vetëm në të shqiptarëve. Sa më parë, aq më mirë.”

“Ajo që është e domosdoshme në këtë fazë është vërtetë ajo që presidenti juaj [serb] e ka nisur si dialog të brendshëm, i cili, meqë ra fjala, nuk do të ishte i parëndësishëm të ndodhte edhe në Kosovë e edhe në Shqipëri.”

 

Lajme te ngjashme