Vazhdon “lumi” i drogës për në Itali, askush nuk mban përgjegjësi në Shqipëri

Vazhdon “lumi” i drogës për në Itali, askush nuk mban përgjegjësi në Shqipëri

Pavarësisht rritjes së kontrolleve të policisë shqiptare ditëve të fundit, vetingut të shpallur nga Ministri Xhafaj në polici, dhe “luftës së ashpër” që Kryeministri Rama i ka shpallur narkotrafikantëve, sasi të mëdha droge vazhdojnë të kalojnë nga brigjet shqiptare për në Itali dhe tëkapen nga Guardia di Finanza.

Vetëm gjatë natës së djeshme në Itali u kapën rreth 3,5 tonë kanabis:

 – 1505 kilogramë kanabis u kapën nga Guardia di Finanza italiane në brigjet e Barit. Droga po transportohej nga Shqipëria për në Itali nga dy shqiptarë, të cilët u arrestuan nga policia;

 – 2041 kilogramë kanabis u kapën në provincën e Ferraras, në Itali. Droga po transportohej nga një shqiptar 19 vjeçar, i cili u arrestua.

Kjo do të thotë se pavarësisht informacioneve të bëra publike nga Dosja e Habilajve, policia e shtetit dhe Qendra Ndërinstitucionale e Operacioneve Detare (QNOD) e cila duhet të monitorojë ujrat shqiptarë me anë të radarëve detarë vazhdojnë të dështojnë në kapjen e drogës brenda territorit të vendit tonë.

Lajme te ngjashme