Qytetarë e artistë protestojnë nesër në mbrojtje të Teatrit Kombëtar dhe pronës publike

Artistë dhe qytetarë, që prej muajsh kanë ngritur zërin kundër shëmbjes së Teatrit Kombëtar, do të marshojnë në mënyrë paqësore nesër për të kërkuar tërheqjen nga ligji dhe mbrojtjen e godinës së teatrit.

Nesër, e enjte, datë 12 korrik, në orën 18:30, marshimi do të nisë tek sheshi i Teatrit, për të marshuar më pas drejt Kryeministrisë dhe Presidencës.

Aleanca për Mbrojtjen e Teatrit, që prej muajsh ka organizuar takime, dëgjesa e protesta në mbrojtje të pronës publike dhe trashëgimisë kultorore, shkruan se protesta e nesërme vlen “për t’I kujtuar r grushtit të vogël të njerëzve me pushtet se në Shqipëri ka ende njerëz të lirë”.

Megjithëse shumica socialiste, një javë më parë, e miratoi ligjin që lejon prishjen e godinës së teatrit dhe ndërtimin e një teatri të ri bashkë me gjashtë kulla nga kompania Fusha shpk, artistët e qytetarët do të vazhdojnë t’i kërkojnë Kryeministri Rama të tërhiqet nga ky ligj që, në shkelje të ligjit, i jep pronën publike një prej oligarkëve të vendit.

Aleanca po ashtu i kërkon presidentit Ilir Meta të mos e dekretojë ligjin dhe të bashkohet me artistët e qytetarët në mbrojtje të Teatrit Kombëtar.

Më shumë për shkeljet ligjore dhe problematikat e tjera të këtij ligji “të veçantë” lexoni këtu, këtu dhe këtu.