Kandidati i Bindjes Demokratike në Lezhë tërhiqet nga gara: Janë zgjedhje farsë

Kandidati i Bindjes Demokratike në Lezhë tërhiqet nga gara: Janë zgjedhje farsë

Salvador Kaçaj, kandidati i Partisë Bindja Demokratike në Bashkinë Lezhë, u tërhoq sot nga kandidimi.

Në një njoftim për KQZ-në, Zoti Kaçaj tha se ka kuptuar që kandidimi i tij është fasadë në shërbim të qeverisë Rama:

“Unë nuk mund të shërbej si fasadë e përpjekjes për të rikthyer në Shqipëri një regjim një partiak, të përzier me krimin. U jam mirënjohës qytetarëve dhe miqve të vërtetë që më bënë të kuptoj se ajo ku kisha pranuar të hyja nuk ishte një garë e vërtetë, por farsë në shërbim të pushtetit të Edi Ramës.

Unë nuk mund të shërbej si fasadë e përpjekjes për të rikthyer në Shqipëri një regjim një partiak, të përzier me krimin.”

Në mbyllje të deklaratës së tij, Salvador Kaçaj u shpreh se do t’i bashkohet kauzës së Partisë Demokratike për largimin e qeverisë Rama.

Partia BindjaDemokratike, e regjistruar në shkelje të ligjit për zgjedhjet lokale të 30 qershorit, propozoi kandidatë për kryebashkiakë në 25 bashki, përfshi në bashkitë kryesore si Tiranë, Durrës, Vlorë, Korçë, Dibër, Sarandë.

1 koment

    Adresa juaj e emailit nuk do bëhet publike.

    Lajme te ngjashme