4 anëtarët socialistë të KQZ-së nuk e njohin dekretin e Presidentit

4 anëtarët socialistë të KQZ-së nuk e njohin dekretin e Presidentit Denar Biba

4 anëtarët socialistë të Komisioni Qendror i Zgjedhjeve nuk e njohën dekretin e Presidentit Meta për anullimin e datës së zgjedhjeve vendore, sot. Me këtë vendim KQZ ka marrë përsipër të gjykojë dekretin e Presidentin, pavlefshmëria e të cilit mund të vendoset vetëm nga gjykata me vendim të formës së prerë.

Mbledhja e KQZ u zhvillua pa praninë e Kryetarit Klement Zguri, i cili u shpreh se KQZ nuk mund të vlerësojë dekretin e Presidentit.

Unë mendoj se KQZ, duhet t’i bindet një produkti të tillë, një dekreti. Nuk dua të gjykoj kompetencën e Presidentit. Nuk jam Gjykatë Kushtetuese të vlerësoj është apo jo i ligjshëm dekreti i Presidentit. Për mua është e detyruar dhe duhet të respektoj dekretin e tij. Pika 2 e dekretit më urdhëron. Dekreti i presidentit është detyrues dhe duhet ta respektojmë vullnetin e tij.

Ndërsa, nënkryetari Denar Biba u shpreh se KQZ do të vazhdojë me organizimin e zgjedhjeve të 30 qershorit.

“Presidenti me vetëdije refuzon të zbatojë urdhërimin kushtetues. Akti administrativ absolutisht i pavlefshëm konsiderohet se nuk ekziston.

Unë vlerësoj që KQZ ka detyrimin të vijojë me organizimin e zgjedhjeve të datës 30 qershor. Sikundër kushtetuta e vlerëson KQZ ka detyrimin, nuk e kemi opsion, kemi detyrim të vijojmë punën për t’i çuar shqiptarët të shkojnë të votojnë për të zgjedhurit lokalë. Kemi detyrimin t’ua mundësojmë këtë”, tha Zoti Biba.

 

11 komente

Adresa juaj e emailit nuk do bëhet publike.

Lajme te ngjashme