Basha: Nuk do të digjet Shqipëria, por Edi Rama me veglat e tij

Basha: Nuk do të digjet Shqipëria, por Edi Rama me veglat e tij

Kryetari i PD-së Lulzim Basha ka lëshuar një deklarate në publik në të cilën akuzon Edi Ramën se për të mbrojtur pushtetin është i gatshëm të djegë Shqipërinë dhe ka treguar se shqiptarët nuk do ti lejojnë përpjekjet e tij.

Basha denoncoi planin Edi Ramës për të ngjallur panik dhe kërcënime për përplasje civile.

Edi Rama ka javë që bredh nëpër Shqipëri duke ngjallur panik e duke kërcënuar sa me djegie të vendit dhe sa me burgosje të të gjithë opozitës.

Ai pohoi se këto plane të Kryeministrit do të dështojnë, duke thënë se:

Kam një lajm të keq për të: Shqipëria nuk do digjet dhe opozita nuk trembet.

Kryeopozitari foli për burgosjet e shumta politike duke i sjellë ato si shembull se represioni nuk i zbeh përpjekjet e opozitës dhe qytetarëve kundër qeverisjes së Ramës. Duke i bërë jehonë rasteve të fundit që Edi Rama është dashur të mbrohet nga forca të shumta policie për tu mbrojtur nga turmat e qytetarëve, Basha tha se:

Këto muaj e fundit Rama ka ndaluar dhe arrestuar qindra qytetarë dhe opozitarë, së fundi drejtuesit e PD së Elbasanit dhe Librazhdit, dhe të gjithë e kanë parë se askush nuk trembet nga kërcënimet dhe veprimet e tij perverse.

Këtë shqiptarët po ja provojnë atij përditë kudo nëpër Shqipëri, të cilën ai tani e viziton nën mbrojtjen e qindra forcave policore, sikur të jetë duke ecur përmes një territori armik dhe jo vendit të tij.

Në fund, Basha u tregua i prerë me ata që ai i quan vegla të verbëra të Edi Ramës, deputet, ministra, policë, prokurorë.

“Fundi i tij dhe i veglave të tij qorre në kuvend, qeveri, polici, prokurori është i pashmangshëm!

Ai e di këtë, prandaj është shpërfytyruar dhe po bën atë që bëjnë kriminelët kur rrethohen: po kërcënon se do të shpërthejë bombën e do t’i hedhë të gjithë në erë.

Dua t’u them të gjithë bashkëqytetarëve të mi se duhet të jenë të sigurtë, asgjë e keqe nuk do të ndodhë: Edi Rama do të ikë dhe të vetmit që do të marrë me vete do të jenë mercenarët e tij të korruptuar dhe të lidhur me krimin”, u shpreh Basha.

1 koment

  1. kadr 17 Qershor, 2019 në 12:53 am

    A do shkoje te honen ne prokurori ky apo do marri raport?

Adresa juaj e emailit nuk do bëhet publike.

Lajme te ngjashme