Kur Niçja flet me Volterin dhe i përgjon Bild-i

Nga Ermal Mulosmani
Kur Niçja flet me Volterin dhe i përgjon Bild-i

Sot gazeta gjermane më e madhe, e përditshmja Bild, publikoi përgjimet mes politikanëve shqiptarë dhe trafikantëve ndërkombëtarë të narkotikëve, Avdulajve të Shijakut.

Kur mendoj tirazhin e gazetës mbi 3,5 milion kopje, një nga 5 gazetat më të mëdha në botë dhe më e madhja e Gjermanisë, më skuqet faqja. Na e morën fytyrën! Përtej shërbimit që i bëjnë demokracisë, do të preferoja që publikimi të bëhej në një media vendase.

Kur dëgjoj një trafikant të mirënjohur ndërkombëtar që mban si nofkë emrin e Niçes së madh mendoj se vërtetë dikush i ka folë atij për teoritë e Niçes, për Mbinjeriun! Duhet të ketë qenë nga stani më i afërt i krimit të organizuar, nga Politika. Se këta çoç lexojnë dhe japin edhe idera. Dhe Astritit, fap, i ngjiti si me mastiç nofka, NIÇE!

Për mua e paska pasë fjalën shkrimtari- mendoi.

E kështu, Niçja na del në biseda me shkrimtarë të kohës sonë si Gjushi, Drejtori i Ujësjellësit, Volteri-n etj etj. Po çfarë flet një trafikant, një kriminel elitar me shkrimtarë të nivelit të lartë si Gjushi, Volteri, Iv-i etj etj?

Në mes përgjimeve katër janë më tronditëset.

Përgjimi më tronditës është kur merr Kryetarin e Bashkisë së Shijakut dhe e urdhëron që nesër në orën 10.00 të jetë në një takim me Kryetarin e Bashkisë Durrës, Kandidatin për deputet të propozuar nga Niçja, vëllain e kandidatit dhe vetë atë, Niçen e modh! Pra, të mblidhemi e ta caktojmë Ilirin (kandidatin e narkotrafikut) në listën për deputetë!

Sot, kandidati i Niçes, Ilir Ndraxhi, ai për të cilin bëhet fjalë në atë takim është deputet i Partisë Socialiste. Ky është fakt.

Përgjimi i dytë tronditës është ai me Drejtorin e Ujësjellësit. Këtij fakirit, në fakt, i duket vetja me shumë fat që u telefonua nga Niçja. Ndihet i vlerësuar dhe lepe-peqe. I ka ndarë mirë punonjësit e vet në ata që mund ta votojnë PD-në dhe të tjerët. Niçja mendon se “është koha t’i tundim nga një çikë dhe “O te puna e të marrin rrogën o te shpija”!

“T’i tundim nga një çikë”…. Hëm, a thua për çfarë do ta ketë pasë fjalën?! Kjo mbetet e pasqaruar…

Drejtori i ka bërë këto ndarje me kohë. Ai i emocionuar nga telefonata e mbyll me fjalët:” Po ça thua mo burrë, ça na fal? Je i madh! Ciao!”

Përgjimi i tretë interesant është me vëllain e kandidatit për deputet, të atij që vetë Niçja propopozon të jetë deputet. Pas përshëndetjeve e pyet “A ka ndonjë gjë të re apo akoma, a e ka marrë ndokush Ilirin (kandidatin për deputet) në telefon për ta njoftuar apo akoma.

Pra, nënteksti është që “unë e kam bërë timen (atë bisedën e orës 10 të përmendur në përgjimin e parë), tani pritet nga dita në ditë të caktohet në listat e PS-së”. Pastaj i thotë në eufori e sipër “Do ia bëjmë qejfin Ramës, do i mundim 10 me 0!”

Telefonata tjetër e përgjuar është më e lezetshmja. Ajo është me një qytetar të Shijakut që mban nofkën “Volter”. Këtij i bëhet thirrje që të ketë kujdes me votat, të gjitha të shkojnë me PS-në. Nuk ka llafe. “Kur do pijmë një kafe”? e pyet Niçja- Volterin. “Kur të dush ore, unë me ty, Çimin dhe çunat kam qenë përherë” përgjigjet Volteri i përunjur.”

“Unë desha me folë një çikë edhe me vëllain tënd, Jarin” vazhdon Niçja.

“I them unë ene atij“ e mbyll Volteri…

Skenë e denjë për tek Godfather.

Pra, si konkluzion, Niçja, eksponenti kryesor i krimit në Durrës, garanton fitoren e Partisë Socialiste përmes Volter-ëve dhe Drejtorëve lokalë socialistë që i ka si ushtarë, cakton deputetët e Partisë Socialiste dhe ka mik të ngushtë Vangjush Dakon, Kryetarin e Bashkisë së qytetit nr 2 në Shqipëri. Kjo është më e pakta që del nga këto përgjime.

A është ky shteti i kapur nga krimi?! A janë këto përzierjet e Politikës me elitën e krimit?! Nëse edhe kjo nuk quhet “ndonjë gjë e madhe”, atëherë, mirë na e bëjnë!

Dhe diçka në fund, për ta mbyllur. Nuk e mendoj rastësore daljen në gazetën kryesore të Gjermanisë.

 

Botuar në Gazeta Express

2 komente

  1. Kot fare 6 Qershor, 2019 në 12:15 pm

    Pergjimin me interesant nuk ke permendur::
    Kryetari i PS se Shijakut i ankohet ketij “te modhit” qe e kane hequr nga puna.
    Po ta shohesh me vemendje ajo bised ka dy perberese:
    1- I modhi, i thote ketij “te voglit” qe ti thoje atij b..q qe e ka zevendesuar nja dy llafe, se nuk ishte Gjushi pa… nuk merrej as me te, ky i madhi. Se nuk e ulte pjacen qe ta merrte vete ne tel..?!! Nuk merrej me lloj-lloj legeni…. Deri ketu ne rregull!!!!
    2- Kjo eshte edhe me interesante: Ky kryetari i PS (Sot kandidat per Kryetar Bashkie) i ankohej: “Se mu me kane heq”
    Po ja thoshte, qe ta vinte ne dijeni, se ndoshta e kishte bere ndonjeri poshte dhe ai nuk ishte ne dijeni…. Hej, mu me kan heq vlla, shikoje kete pune!!!
    Pra ne kete rast, as portali i KM nuk ben fajde, duhet te ankohesh me lart…. Aty ku edhe gjen zgjidhje..
    Dhe ja …. ankesa, bindja jep frute….. sot kandidat!!

  2. Lyli 10 Qershor, 2019 në 5:50 am

    Ermalo po te them ca gjona kshu shpejt e shpejt:
    Gazeta Bild eshti nji cop pacavure qe blihet nga pijanecet e te pashkollet per fotot me cica jasht dhe per fjalekryqin ne fund. Askush nuk i lexo lajmet politike.
    Gazeta Bild nuk pergjoi xhuxhin e Durresit. Prokurori qe nuk kaloi vetingun per korrupsion, i kthehu nderin PDhit dhe i kaloi materialet sekrete. Hamzate e PDhit gjeten nje gazete VK dhe vendosen ti botojne jashte, se historite e Babales i kishin nxjere legena me publikun vendas.
    Te gjitha jane copa bisedash te cilat gjykata nuk i ka vleresuar dhe per me pak te kete dhene vendim. Fakti qe ti dhe palaco te tjere i permendin lart e poshte vetem con uje ne mullirin e Avdulajve, Lul Berishes e turli lloj shkerdhatash qe duhet te jene ne burg se atje e kane vendin. Ne fakt ata meritonin burgun shume kohe me pare, qe kur ishin miq te Olldashit dhe ndihmonin PD me automatik ne dore.

Adresa juaj e emailit nuk do bëhet publike.

Lajme te ngjashme