Organizatat ndërkombëtare të medias: Mision në Tiranë për të drejtat e gazetarëve

Nga Alice Elizabeth Taylor
Organizatat ndërkombëtare të medias: Mision në Tiranë për të drejtat e gazetarëve

Në ditën që Kryeministri Edi Rama kërcënoi se do të padisë në gjyq gazetarin gjerman, Peter Tiede, për publikimin e audio-përgjimeve, të cilat implikojnë vetë Ramën në blerjen e votave në zgjedhjet e Dibrës, një delegacion i organizatave ndërkombëtare të lirisë së mediave po viziton Tiranën.

Qendra Evropiane për Lirinë e Medias dhe të Shtypit, Article 19, EFJ Europe, Komiteti për mbrojtjen e Gazetarëve, Instituti Ndërkombëtar i Shtypit, SEEMO-Media, IFEX, dhe Reporterët pa Kufi do të vizitojnë vendin nga data 18 deri më 21 qershor.

Delegacioni do të takohet me gazetarët, botuesit, përfaqësues nga shoqëria civile, Kryeministrin, dhe përfaqësues të tjerë të medias, për të vlerësuar gjendjen e lirisë së medias dhe për të lobuar për lirinë dhe sigurinë e gazetarëve. Delagacioni do të zhvillojë disa intervista, dhe në fund do të zhvillohet një konferencë për shtyp në Hotel Rogner.

Klima aktuale ndaj gazetarëve në Shqipëri është kritikuar shumë kohët e fundit nga ndërkombëtarët. CPJ dhe IPI kanë raportuar mbi ndalimin e paligjshëm të lejes së qendrimit të gazetares britanike Alice Taylor në Shqipëri, dhe për fushatën e shpifjeve të nisur kundrejt saj.

RSF dhe CPJ kanë komentuar gjithashtu mbi dhunën e përdorur kundër gazetarëve dhe punonjësve të medias gjatë protestave anti qeveri të cilat janë zhvilluar muajt e fundit në Triranë. Në raportin e përvitshëm mbi lirinë e medias, RSF ka kritikuar ashpër sulmet e qeverisë ndaj medias.

Në raport shkruhet se kërcënimet, frikësimi dhe ngacmimet ndaj gazetarëve kanë arritur “nivele të paprecedenta” në vitin 2018. Dhe se “gazetarët janë subjekt i sharjeve, kërcënimeve ndaj jetës dhe procedimeve penale të kryera me qëllim frikësimin dhe frenimin e hetimeve të tyre për korrupsion.”

Gazetarët e Exit.al do të takohen me delegacioni për të folur për rritjen e klimës kërcënuese ndaj gazetarëve të pavarur në Shqipëri.

Gjithashtu, dje Konrad-Adenauer dhe Instituti Shqiptarë i Medias do të organizojnë një konferencë mbi lirinë e medias ditën e sotme në Hotel Tirana, ku do të marrin pjesë përfaqësues të medias vendore dhe rajonale.

1 koment

Adresa juaj e emailit nuk do bëhet publike.

Lajme te ngjashme