KPK konfirmon kandidatin për Prokuror të Përgjithshëm Olsian Çela

KPK konfirmon kandidatin për Prokuror të Përgjithshëm Olsian Çela

KPK konfirmoi sot në detyrë kandidatin për Prokuror të Përgjithshëm Olsian Çela.

Vendimi u dha nga trupa gjykuese e përbërë prej Lulzim Hamitaj, Olsi Komici dhe Brunilda Berkteshi. Komisioni nuk gjeti probleme në asnjë nga kriteret e rivlerësimit.

Sipas KPK-së, prokurori Çela nuk kishte probleme me pasurinë dhe kishte burime të ligjshme për krijimin e saj. DSIK, po ashtu, e konsideroi zotin èela të përshtashëm për të vazhduar detyrën.

Aktualisht Çela është prokuror në Prokurorinë e Krimeve të Rënda.

Olsian Çela njihet si prokurori i çështjes ‘Xibraka’, ‘vrasjes së Mirit të Xhikes, pronarit të kartodromit’ dhe dosjen e trafikut të drogës nga grupi “Kompas”.

Në garën për Prokuror të Përgjithshëm janë Arta Marku, Fatjona Memçaj, Olsian Çela dhe avokati Lulzim Alushaj. Ky i fundit është i vetmi që nuk është përballur ende me Komisionin e Pavarur të Kualifikimit.

2 komente

Adresa juaj e emailit nuk do bëhet publike.

Lajme te ngjashme