Ndërtesa te stadiumi: nga leja problematike te legalizimi, faturën do ta paguajnë qytetarët

Nga Gerard Gega
Ndërtesa te stadiumi: nga leja problematike te legalizimi, faturën do ta paguajnë qytetarët Godina te Sheshi Italia pak pasi u shemb nga Bashkia Tiranë.

Godina që Erion Veliaj shembi në sheshin Italia të premten, duhej të ishte shembur që vite më parë sepse ishte në shkelje të ligjit, por pavarësisht kësaj dhe faktit se mbi të binte projekti i rindërtimit të sheshit, ajo rezultoi se ishte legalizuar.

Vitet e fundit protesta të shumta kanë shoqëruar zhvillimet e infrastrukturës urbane në Tiranë.

Qeveria ka refuzuar shpesh legalizimet e banesave të qytetarëve me arsyen se mbi to bien projekte publike dhe nuk ka pse “xhepat e taksapaguesve të rëndohen me dëmshpërblimin e veprimtarisë së jashtligjshme të tyre”.

Mirëpo rasti i godinës katër katëshe te sheshi Italia është shembulli konkret se si qeveria dhe Bashkia sillen selektivisht me legalizimet dhe shpronësimet.

 

Si u ndërtua godina te sheshi Italia

Mes viteve ’90 Komisioni i Kthimit të Pronave i dha çuditërisht Shpëtim Damës një truall prej 348 metrash katror në sheshin Italia pranë stadiumit Qemal Stafa, sot Arena Kombëtare.

Më 24 maj dhe 13 qershor të vitit 2002, Edi Rama, asokohe Kryetar Bashkie i miratoi Damës lejen e ndërtimit për një “kompleks rekreativ 3 katësh”.

Kjo leje u dha edhe pse binte ndesh me Vendimin e Këshillit të Ministrave të vitit 2000 që e shpallte zonën pjesë të “Ansamblit Monument Kulture”.

Sipërfaqja e sheshit të ndërtimit ishte 348 metra katror dhe ajo e shfrytëzimit 290 metër katror.

Leja e dhënë nga Edi Rama në vitin 2002 për godinën te Sheshi Italia.

Por një vit më vonë, më 7 maj 2003, Kryeministri Fatos Nano e shfuqizoi këtë leje.

Ky shfuqizim u ndoq me një seri gjyqesh në të gjitha shkallët e gjyqësorit.

Në vitin 2007, Dama e çoi çështjen në Gjykatën Kushtetuese e cila rrëzoi vendimet e Gjykatës së Rrethit, Apelit dhe Gjykatës së Lartë me gjykimin se ato kishin anashkaluar mundësinë e shpronësimit dhe kjo e riktheu sërish çështjen nga e para.

Në Gjykatën e Rrethit dhe në atë të Apelit në vitin 2009, Dama mori vendime pozitive dhe për këtë nisi punimet pak muaj më vonë.

Maks Velo e Artan Lame – Shekulli: Një gabim i rëndë urbanistik; Gazeta Shqip: Ka edhe më! –  denoncuan mënyrën se si ishte marrë prona dhe se si ky objekt, edhe pse në abuzim, ishte lënë të ndërtohej.

Për denoncimin që kishte bërë në gazetë, Maks Velo u dhunua fizikisht nga Shpëtim Dama duke trazuar ndjeshëm opinionin publik.

Ndërkohë punimet qenë bllokuar edhe një herë për t’u zhbllokuar pas një tjetër serie gjyqesh që do të mbyllej në janar të vitit 2014.

Shpëtim Dama e vazhdoi ndërtimin dhe godina njohu në fund si pronarë krahas tij, dy vëllezërit Arben e Engjëll Burimi dhe Dorjan Leknikajn.

 

Ndërtimi pa leje, legalizimi dhe shpronësimi

Leja e ndërtimit e dhënë në vitin 2002, ishte për një objekt të projektuar nga arkitektët Gjergj Ruci dhe Agim Myftiu.

Por ajo që rezultoi pas ndërtimit në 2015-ën, nuk ishte ajo që ata kishin projektuar.

Ndryshimi i projektit gjatë ndërtimit.

“Kompleksi rekreativ” u bë pa leje nga 3 në 4 kate dhe me një strukturë lineare xhami.

Pavarësisht këtyre shkeljeve, godina nuk u kërkua më të prishej, përkundrazi në mars të këtij viti u legalizua.

Ndërtesa në gjendjen e përfunduar, pak përpara se të shembej.

Në dokumentin e legalizimit u konsiderua thjesht në “tejkalim leje ndërtimi” edhe pse ishte bërë kat shtesë dhe ishte zënë më tepër sipërfaqe.

Sheshi i zënë rezultoi të ishte 421.9 dhe jo 348 metra katror sa ishte trualli që zotëronte Shpëtim Dama përpara vitit 2002 dhe shfrytëzimi i sipërfaqes ishte 323 dhe jo 290 metra sa e përcaktonte leja.

Dokumenti i legalizimit me të dhënat që tregojnë se sa hapësirë u përfitua.

Legalizimi u bë dy vite pasi kishte nisur puna për Arenën Kombëtare dhe rindërtimin e sheshit Italia.

Edhe pse dihej se mbi “kompleksin rekreativ” binte projekti i sheshit Italia, legalizimi nuk u ndalua, përkundrazi.

Sot me prishjen e kësaj godine pronarët që e gëzuan në mënyrë abuzive hapësirën publike do të përfitojnë edhe shpronësim për paligjshmërinë e tyre.

Sipas asaj që deklarojnë ata, shpronësimi do të bëhet me vlerën 300 euro metri katror, që nëse i referohemi sipërfaqes që shkruhet në fletën e legalizimit, 1440 metra katror, shpronësimi do të ishte rreth 432 mijë euro.

Legalizimi i një kati shtesë, i ka shtuar së paku 100 mijë euro shumës totale të shpronësimit.

12 komente

  1. X 14 Korrik, 2019 në 10:51 am

    E dini perse behen zgjedhjet ne kete vend?
    Per te percaktuar se kush e ka rradhen per te shperdoruar pronen publike.
    Kush nuk e di se projekti i Gherardio Bosio eshte zbatuar duke bere shpronesimet perkatese,

    • Greg andoni 14 Korrik, 2019 në 2:31 pm

      Ne kohen e zogut blihej prona sepse njihej. Mos e bej dhe ti si fotot historike tek bunkart, apo te kane derguar me sherbim neper komente.

      • X 14 Korrik, 2019 në 3:05 pm

        Po, me sherbim me kane derguar, per te gjetur kush nga komentuesit i beson medis qe tashme sa me shume te shkruaj kunder, aq me shume rama promovon demokraci ( per gomeret kuptohet )

        • Greg andoni 14 Korrik, 2019 në 3:13 pm

          Te te roje partia ✊

          • X 14 Korrik, 2019 në 4:05 pm

            Te fala Ursula von der Leyenit. Mos u kruaj shume se nuk jemi ne Itali. Ketu ngel pa mjekerr

        • Greg andoni 14 Korrik, 2019 në 3:19 pm

          Megjithate prap nuk u pergjigje o mili

          • Greg andoni 14 Korrik, 2019 në 7:04 pm

            Jo re jo kusha ta tha kete shefi jot ? Ta paskan pre mjekren dhe tpaska ngel fiksim o buçe

        • greg andoni 15 Korrik, 2019 në 9:40 am

          kujdes kur i drejtosh tjetrit, vet e the, sta perton njeri sot

  2. Greg andoni 14 Korrik, 2019 në 2:29 pm

    Siç u be me bechettin. Ato miliona eurot u ndane midis tyre. E njejta gje dhe ktu, rama i thote un te lejoj te fitosh gjyqin dhebpastaj djajme leket. Lejen e ka dhene rama, kshuqe normalisht po te kishte evrop mund te kishim nje jete me te mire sot por ‘divide and conquere’ sidomos me nje popull dele qe nuk e kuptuan momentin e pare qe ky psiqik po mundohej ti ngjallte damarin komunist. Taksirati i bie ajkes se budallai eshte i lumtur. Ps: media tashme sa me shume te shkruaj kunder, aq me shume rama promovon demokraci ( per gomeret kuptohet )

  3. Ditjon Xhafaj 18 Korrik, 2019 në 11:01 am

    Konotacioni ‘X’ ne fakt eshte goje e mbyllyr (pasi te ben gojore) si spjegohet qe eshte hapur? ‘X’ punoka ne COD te kryeministrise -i shqyer nga mbrapa por ‘virgine’ nga para. O ‘X’ vere emrin mor kurve mos u fshih pas vagines rilindare. Tjetri hapur komenton me emer si qytetar ate qe mendon, ju kurvat rilindare ne kanalet e mutit, dhe zorren e trashe beni kakerrdhi fshehur

Adresa juaj e emailit nuk do bëhet publike.

Lajme te ngjashme