Polonia heq taksën e të ardhurave për të rinjtë për t’i rikthyer emigrantët në atdhe

Polonia heq taksën e të ardhurave për të rinjtë për t’i rikthyer emigrantët në atdhe Group Of Architects Discussing Plans In Modern Office

Polonia do të heqë këtë javë taksën mbi të ardhurat për rreth dy milionë të rinj të punësuar, si përpjekje për të ndaluar ikjen e tyre në vendet e Europës dhe kthimin e emigrnatëve në vend.

Rreth 1,7 milionë polakë janë larguar nga Polonia në 15 vitet e fundit, të joshur nga pagat dhe mundësitë më të mira të jetesës në Europën Perëndimore.

Qindra mijëra të rinj kanë shfrytëzuar të drejtën e lirë të udhëtimit në BE që prej vitit 2004 kur Polinia u anëtarësua në BE – dhe qeveria tashmë kërkon të kthejë sa më shumë prej tyre në atdhe.

“Është njësoj sikur të jetë larguar i gjithë qyteti i Varshavës, është një humbje e madhe, ndaj duhet të marrë fund dhe të rinjtë duhet të qëndrojnë në Poloni”, u shpreh kryeministri polka Mateusz Moraëiecki.

Largimi i popullsisë ka shkaktuar probleme në forcën punëtore të vendit, ku mangësitë më të mëdha janë ndjerë në sektorët e ndërtimit, prodhimit, miniera dhe transportit.

Sipas kryeministrit, të rinjtë polakë duhet të gjejnë të njëjtat mundësi si në Europën Perëndimore dhe në Poloni.

Që prej vitit 2016, numri i polakëve që jetojnë në vendet e tjera të BE-së ka ardhur duke  u ulur dhe heqja e taksës mbi të ardhurat pritet të ndihmojë edhe më tej këtë tendecë.

Adresa juaj e emailit nuk do bëhet publike.

Lajme te ngjashme