KLGJ skualifikon Theodori Sollakun nga gara për Gjykatë të Lartë

KLGJ skualifikon Theodori Sollakun nga gara për Gjykatë të Lartë

Këshilli i Lartë Gjyqësor skualifikoi Theodori Sollakun nga gara për Gjykatë të Lartë. Vendimi u mor dje nē mbledhjen e zhvilluar nga KLGJ.

“Në vijim të mbledhjes, Këshilli pasi dëgjoi relatorin për verifikimin e kushteve dhe kritereve ligjore për rekrutimin e kandidatit nga radhët e juristëve të spikatur, për në Gjykatën e Lartë, vendosi skualifikimin e kandidatit z. Theodhor Sollaku”, thuhet në njoftimin e Këshillit.

Theodori Sollaku ishte kandidat për në Gjykatën e Lartë nga rradhët e avokatëve. Ai ka shërbyer si Prokuror i Përgjithshëm në periudhën 2002-2007, ndërkohë që është avokati Klemend Balilit

KLGJ hapi garën për anëtarë jo gjyqtarë në Gjykatën e Lartë në korrik të këtij viti. Në garë për Gjykatën e Lartë ishin 22 kandidatë, nga të cilët KLGJ kualifikoi tetë përkatësisht:

  1. Theodhori Sollaku
  2. Sokol Sadushi
  3. Kestrin Katro
  4. Ervin Pupe
  5. Ilir Panda
  6. Ardita Buna Alsula
  7. Jetmira Rragami
  8. Rezarta Melo (Cenaj).

Gjykata e Lartë është jofunksionale që prej marsit të këtij viti, për shkak të dorëheqjeve dhe largimit për shkak të vetingut të anëtarëve të saj.

Adresa juaj e emailit nuk do bëhet publike.

Lajme te ngjashme