Shqipëria ndër 3 vendet e fundit në Europë për biznes

Shqipëria ndër 3 vendet e fundit në Europë për biznes

Shqipëria është ndër tre vendet më pak të favorshme për të bërë biznes në Europë.

Në raportin e fundit të Bankës Botërore “Doing Business 2020′, Shqipëria renditet e 54-ta mes 56 vendeve të Europës dhe në vend të 82-të mes 190 shteteve në botë.

Shqipëria ka humbur 19 vende, krahasuar me një vit më parë, kur renditej në vend të 63-të, duke u rikthyer në të njëjtën klimë të viteve 2011-2012.

Në Europë, Shqipëria lë pas vetëm Maltën dhe Bosnje-Hercegovinën.

‘Doing business 2020’ ka vlerësuar faktorёt qё lehtёsojnё ose pengojnё biznesin nё 190 vende tё botёs pёr periudhën maj 2018–maj 2019. Në Shqipëri, raporti është përqendruar vetëm në qytetin e Tiranës.

Disa prej faktorëve që raporti vlerëson janë procedurat për nisjen e një biznesi; regjistrimin e pasurive; pagimin e taksave; respektimin e kontratave; marrjen e kredive; lejet e ndërtimit; sigurimin e energjisë elektrike, etj.

Mes gjithë faktorëve, Shqipëria është vlerësuar më dobët për lejet e ndërtimit, duke u renditur në vendin e 166-të në botë. Krahasuar më një vit më parë, Shqipëria ka rënë me 15 vende në këtë tregues.

Një tjetër faktor ku Shqipëria është përkeqësuar janë taksat, për të cilat vendi renditet i 123-ti në botë.

Faktori i vetëm që është përmirësuar krahasuar me një vit më parë  është ai i marrjes së elektricitetit, nga vendi i 140-të në të 107-tin.

Në rajonin e Ballkanit, më mirë renditet Maqedonia e Veriut, e 17-të në gjithë botën, më pas Mali i Zi, Serbia e Kosova.

Pavarësisht se raporti vëzhgon vetëm 12 faktorët dhe lë jashtë shumë të tjerë, ai ndikon deri diku në imazhin ndërkombëtar të një vendi për të tërhequr investitorë të huaj.

1 koment

  1. . 24 Tetor, 2019 në 5:13 pm

    Nuk ka rendesi kjo gje. Rendesi ka ideoligjia polike e rames i mbajtur nën sqetllën e merkel dhe soros. Poshte amerika se per pak harrova.

Adresa juaj e emailit nuk do bëhet publike.

Lajme te ngjashme