Veliaj komenton me shpërfillje në Twitter-in e Aleancës për Mbrojtjen e Teatrit

Nga Gerard Gega
Veliaj komenton me shpërfillje në Twitter-in e Aleancës për Mbrojtjen e Teatrit Kryetari i Bashkisë Tiranë, Erion Veliaj.

Kryetari i Bashkisë Tiranë komentoi me shpërfillje çështjen e Kopshtit Botanik dhe akuzat se ai po tjetërson një tjetër pronë publike të kryeqytetit.

Komenti shpërfillës i kryebashkiakut Veliaj u bë në Twitter-in e Aleancës për Mbrojtjenë e Teatrit, kur Zoti Veliaj iu përgjigj një komenti të konsulentit gjerman Martin Henze.

Aleanca kishte postuar një video ku denonconte rastin e Kopshtit Botanik si “sulmin e radhës të aseteve publike në Tiranë nga Kryebashkiaku Erion Veliaj”. Në video ishin cituar Veliaj, ambasadat e BE dhe SHBA-ve dhe gazeta The Guardian.

Konsulenti gjerman Martin Henze pati komentuar:

Zgjedhjet e 30 qershorit u mbajtën në kundërshtim me kushtetutën, pasi pati dekret që e shtyu datën, dekreti nuk u shfuqizua, prandaj u mbajtën zgjedhje të paligjshme, Erion Veliaj është pra kryetar i paligjshëm, duhet hequr nga bashkia.

Komentit të Henze, me profilin e tij zyrtar, nga telefoni, Veliaj iu përgjigj:

Martin, lejomë të të falenderoj që je kaq i paparë! Udhëzimet e tua “brilante” e nxorrën të djathtën tonë populiste nga parlamenti, jashtë qeverisë lokale dhe jashtë gjithë jetës publike. Atë që e majta progressive u përpoq ta bënte për një gjeneratë, ti e arrite për pak ditë! Je një gjeni!

Në komentin e tij Veliaj, i referohet Henzes si këshilltar i Kryetarit të Partisë Demokratike Lulzim Basha. Henze u sulmua edhe nga Kryeministri Rama në një Twitter në qershor, pasi ai po cilësohej si këshilltar i kancelares Merkel.

Henze iu përgjigj Zotit Veliaj duke rikomentuar se “kështu flet një kryetar i paligjshëm, i cili siç dëshmon gazeta Bild, i përket një qeverie mafioze”:

Shok, edhe ti do ta ndjesh me dhembje drurin e shtrembër të sundimit të ligjit!

Administratori i profilit të Aleancës për Mbrojtjen e Teatrit në Twitter i kujtoi me një përgjigjie Zotit Veliaj se ai “duhet ta konsideronte më mirë etiketimin progresiv” pasi i vetmi proces progresiv nën drejtimin e Veliajt, sipas Aleancës ka qenë “pasurimi i Veliajt dhe njerëzve të tij”.

Komentet e Kryebashkiakut në Twitter.

Ditën e sotme Gjykata Administrative vendosi të marrë në shqyrtim padinë e ngritur nga Universiteti i Tiranës për çështjen e Kopshtit Botanik. Territori i këtij kopshti i kaloi me VKM Bashkisë, pa pasur asnjë dakordësi me Universitetin e Tiranës, që e ka pasur në zotërim deri në muajin korrik.

Adresa juaj e emailit nuk do bëhet publike.

Lajme te ngjashme