Eurokomisioneri Hahn: BE duhet të rregullojë gabimin ndaj Shqipërisë e Maqedonisë së Veriut

Eurokomisioneri Hahn: BE duhet të rregullojë gabimin ndaj Shqipërisë e Maqedonisë së Veriut Komisioneri për zgjerim, Johannes Hahn.

Eurokomisioneri për Zgjerim Johannes Hahn theksoi sërish rëndësinë e rivendosjes së besimit mes Bashkimit Europian dhe Ballkanit Perëndimor, pas vendimit për mos hapjen e negociatave.

Gjatë takimit me grupin Miqtë e Maqedonisë së Veriut në Parlamentin Europian, Johannes Hahn deklaroi:

“Është koha të mbajmë premtimet e angazhimet dhe të pranojmë përparimin e këtyre dy vendeve.

Shpresoj që gabimi strategjik i mosdhënies së dritës jeshile të merituar për hapjen e negociatave të pranimit për Shqipërinë dhe Maqedoninë e Veriut do të rregullohet.”

Eurokomisioneri shprehu shqetësimin e tij se refuzimi i Shqipërisë e Maqedonisë së Veriut nga Be-ja mund të shfrytëzohet nga aktorë të tjerë politikë:

“Nuk duhet të lëmë një boshllëk në rajon i cili do të shfrytëzohet nga aktorë të tjerë politikë që nuk kujdesen për standardet dhe vlerat e BE-së.”

Vetëm pak ditë më parë, Rusia ftoi Shqipërinë e Maqedoninë e Veriut të nënshkruajë marrëveshje për tregti të lirë me Bashkimin Ekonomik Euroaziatik (EAEU), të udhëhequr po nga Rusia. Marrëveshjen për tregti të lirë me këtë bashkim ekonomik e nënshkroi së fundmi dhe Serbia.

2 komente

  1. morri 9 Nëntor, 2019 në 4:09 pm

    e mer zgjebe do te justifikosh valixhet me euro qe ke mor

  2. t 9 Nëntor, 2019 në 4:47 pm

    Shqiptaret jetojne ketu dhe jane deshmitare te nje shteti te degjeneruar,qe suksesin me te madh ka kanabizimin e vendit,kurse ky burokrat laperdhare vazhdon akoma me “perparimet” (deshtimet)e medha te qeverise

Adresa juaj e emailit nuk do bëhet publike.

Lajme te ngjashme