Jaço: Korrupsioni problemi kryesor për mungesën e investimeve amerikane në vend

Jaço: Korrupsioni problemi kryesor për mungesën e investimeve amerikane në vend

“Në Shqipëri ka presion ndaj investitorëve të huaj, për të lidhur kontrata apo marrë nënkontraktorë të deleguar nga zyrtarë të ndryshëm”. Kështu u shpreh Enio Jaço, kryetar i Dhomës Amerikane të Tregtisë në Tiranë në një intervistë për Zërin e Amerikës.

Zoti Jaço foli për mungesën e investimeve amerikane në Shqipëri. Ai tha se investimet amerikane në Maqedoninë e Veriut janë rreth 2.3 herë më të larta se në Shqipëri. Vendet e rajoni, sipas Jacos, “Maqedonia e Veriut dhe Serbia kanë qenë të afta të thithin më tepër investime amerikane” se sa Shqipëria.

Jaço shpjegoi se korrupsioni është ndër problemet kryesore për mungesën e investimeve:

Korrupsioni në Shqipëri në lidhje me klimën e të bërit biznes dhe investimeve ka qënë dhe është i përhapur dhe ky është problem themelor për ne.

Në fakt kemi raste investitorësh, që kanë ardhur, janë munduar, kanë pasur orientimin pozitiv për të investuar, por janë ndeshur me korrupsion ose pengesa të ndryshme ligjore apo proceduriale, të cilat herë kanë qënë të lidhura me korrupsionin e herë jo, por në fund kanë shkaktuar largimin e investitorëve.

Gjithashtu, ndryshimi i politikave fiskale ka ndikuar në uljen e investimeve. Jaço tha se:

Shqipëria ka taksat më të larta në rajon, dhe kjo është larguese për investitorët. Po aq e dëmshme, është ndryshimi frekuent i nivelit të taksave apo kodit të tatimeve.

Kryetari i Dhomës Amerikane të Tregtisë foli edhe për ndikimin e sistemit ligjor dhe faktorit politik në prurjen e investimeve të huaja, duke thënë se:

Sistemi ligjor që ne kemi, i cili nuk është i plotë, nuk funksionon siç duhet por në të njëjtën kohë kemi një reformë në drejtësi dhe shpresojmë të gjithë, që të na japë rezultate shumë më të mira, se sa këto që kemi tani.

Faktorit politik ka krijuar dhe vazhdon të krijojë ndikim negativ në klimën e biznesit, një pasiguri në lidhje me të ardhmen, pasiguri në lidhje me projektet e ardhshme, politikat fiskale, dhe me politikat tatimore.

Adresa juaj e emailit nuk do bëhet publike.

Lajme te ngjashme