Kurti: Teza për shkëmbime territoresh me Serbinë uli dëshirën për bashkim kombëtar

Nga Stafi i Exit
Kurti: Teza për shkëmbime territoresh me Serbinë uli dëshirën për bashkim kombëtar Albin Kurti gjatë festimit të fitores së zgjedhjeve në Tiranë.

Projektet për shkëmbime territoresh kanë ndikuar në rënien e dëshirës për bashkim kombëtar. Kështu analizoi Kryetari i Lëvizjes Vetëvendosje Albin Kurti gjatë emisionit Open në Top-Channel.

Sipas një sondazhi të kryer së fundmi nga Fondacioni Kosovar për Shoqërinë Civile rezultoi se vetëm 54 për qind e kosovarëve e dëshironn bashkimin me Shqipërinë.

Në studion e gazetares Eni Vasili, Zoti Kurti, i cili ishte më i votuari në zgjedhjet e 6 tetorit në Kosovë, ia faturoi këtë rezultat të sondazhit efekteve të marrëveshjeve për shkëmbime territoresh:

“Unë besoj se rënia gjatë këtyre dy viteve (e dëshirës për bashkim kombëtar) ka ndodhur nga teza e shkëmbimit të territoreve. Njerëzit nuk duan të japin Mitrovicën për bashkimin me Shqipërinë. Ne në bashkim kombëtar nuk zvogëlohemi por bëhemi më të mëdhenj. Qytetarët e duan bashkimin me Bujanovcin, Medvegjën dhe Preshevën por nuk besojnë se ka politikan serb që i japin ato vende. Në Serbi nuk ka asnjë politikan që flet për falje territori. Qytetarët kaë frikë dhe besojnë se ka politikanë në Kosovë që e japin veriun.”

Më 28 nëntor Vetëvendosje ka thirrur një marrëshim në Tiranë për të nxitur reflektim dhe ndërgjegjësim politik rreth bashkimit kombëtar, qëllim të cilin partia e Zotit Kurti nuk e ka fshehur asnjëherë dhe nuk ka ndryshuar:

“[…] nuk konsiderojmë që shqiptarët janë të varfër e të papunë për shkak të kulturës së Shqipërisë, ose prej pasjes ose mospasjes, por për shkak të modelit të gabuar politik. Kemi rimarrë një ide të braktisur, s’është e jona, bashkimi kombëtar na bën ne më shumë se ne e bëjmë në atë, ai na bën ne dhe ne e përbëjmë atë.”

Gjatë debatit televiziv Zoti Kurti tha se do të luftonte oligarkët dhe korrupsionin. Për “mini-shengenin” ishte kundër, por që do ta diskutonte me komunitetin e biznesit në Kosovë, nëse Serbia do të kishte marrëdhënie reciprociteti. Ai tha se Beogradi kërkon të shfrytëzojë nga një ide e tillë autostradat dhe rrugët e Kosovës në një kohë kur ajo nuk njeh as shtetin dhe as lejet e drejtimit të qytetarëve të saj.

Kryetari i Vetëvendosjes theksoi se ishte për marrëdhënie të mira me qeverinë e Shqipërisë ndërsa rikujtoi qëndrimin për sa i përket Presidentit Hashim Thaçi, i cili duhet të japë dorëheqje ose në të kundërtën duhet shkarkuar.

Adresa juaj e emailit nuk do bëhet publike.

Lajme te ngjashme