IKMT shemb 5 ndërtesa në Unazë të Re, aksioni vazhdon dhe nesër

Nga Gerard Gega
IKMT shemb 5 ndërtesa në Unazë të Re, aksioni vazhdon dhe nesër Gjatë aksionit të IKMT për shembjen e ndërtesave në Unazën e Re.

Inspektoriati Kombëtar i Mbrojtjes së Territorit (IKMT) rinisi sot aksionin e shembjes së ndërtesave në lotin e parë të Unazës së Re, që përfshin rrethrrotullimin te Sheshi Shqiponja.

Aksioni i sotëm nisi në orët e para të mëngjesit me forca të shumta policie që bllokuan qarkullimin rrugor duke shkaktuar edhe kaos në trafik.

Gazetari Erion Skëndaj raportoi për BalkanWeb se ditën e sotme parashikohej të shembeshin 5 ndërtesa, ndërsa të nesërmen pritet të shembet një ndërtesë 5-katëshe me eksplozivë.

Ndërtesat e shembura sot pranë Egi Center, 250 metra larg Sheshit Shqiponja

5 ndërtesat që shemben sot:

Ndërtesat janë në rrugën Teodor Keko rreth 250 metra në jug të Sheshit Shqiponja, pranë ndërtesës 5 katëshe të Egi Center, e cila do të shembet me eksplozivë ditën e nesërme.

Në godinën 5 katëshe të Egi Center muajin e fundit janë vendosur rreth 70 banorë të prekur nga tërmetet. Ish-deputeti Klevis Balliu tregoi me një postim në Facebook se ata ishin nxjerrë nga ndërtesa me detyrim.

Projekti dhe gjurma e tij në Sheshin Shqiponja.

Mediat raportuan se nuk pati asnjë incident apo rezistencë nga banorët.

IKMT nisi aksionin e parë në nëntor 2019 ku shembi rreth 35 ndërtesa në Sheshin Shqiponja. Bashkë me shembjet e këtyre ditëve të fundit Inspektoriati e çon në total 41 ndërtesa të shembura në Lotin e I-rë të Unazës së Re.

Siç Exit News ka analizuar shembjet janë vetëm në lotin e parë në Sheshin Shqiponja, pasi në 2 pjesët e tjera të Unazës së Madhe – segmenti Ura e Lanës-Astir dhe Astir-pallati me shigjeta i kanë tenderat e bllokuar.

3 komente

    Adresa juaj e emailit nuk do bëhet publike.

    Lajme te ngjashme