Rama e quan mini-Shengenin përgatitje për në BE

Nga Exit News
Rama e quan mini-Shengenin përgatitje për në BE

Kryeministri Rama vazhdon të këmbëngulë se mini-Shengeni i Ballkanit është përgatitje për tu bërë anëtarë të BE-së.

Sot, në konferencën për procesin e zgjerimit, ai përsëriti sërisht se “shengeni Ballkanik e bën integrimin në BE më të plotë dhe më të lehtë.”

Ai në vazhdimësi e ka mbrojtur këtë ide. Madje në konferencën e Këshillit Atlantik, më 13 shkurt, Zoti Rama tha se nisma për mini-shengenin ballkanik është e ardhmja e rajonit dhe është në interes kombëtar të Shqipërisë dhe Kosovës.

Qendrimi i Kryeministrit Ramës bie ndesh me qendrimin e Kryeministrit të Kosovës Albin Kurti, i cili ka deklaruar se nisma e mini-Shengenit mund të jetë parashikimi i Serbisë për një Jugosllavi të re. Kurti e konsideron mini-Shengeni një “ide” të panevojshme po të kemi parasysh ekzistencën e Procesit të Berlinit që synon të arrijë të njëjtin objektiv.

Për nismën për minishengenin Kryeministri Rama është kritikuar edhe nga opozita shqiptare, ndërsa është vlerësuar nga Presidenti serb Vuçiç.

Adresa juaj e emailit nuk do bëhet publike.

Lajme te ngjashme