Kryeministri Kurti shkarkon zëvendësin e tij që votoi pro rrëzimit të qeverisë

Nga Exit News
Kryeministri Kurti shkarkon zëvendësin e tij që votoi pro rrëzimit të qeverisë

Kryeministri në largim i Kosovës Albin Kurti ka shkarkuar zëvendëskryeministrin e parë Abdullah Hoti, menjëherë pas votimit në kuvend për rrëzimin e qeverisë së tij.

Abdullah Hoti, deputet i LDK-së, votoi pro rrëzimit të qeverisë Kurti.

Qeveria e koalicionit mes Lëvizjës Vetëvendosje të Kurtit dhe Lidhjes Demokratike të Kosovës (LDK) së Isa Mustafës, qeverisi vendin për 51 ditë dhe u shkarkua më 25 mars pas një mocioni mosbesimi propozuar nga vetë LDK-ja.

Mocioni u mbështet nga 82 deputetë, u votua kundër nga 32 deputetë, ndërsa një deputet abstenoi.

Kundër mocionit në mënyrë domethënëse votuan tre deputetë të LDK-së, Vjosa Osmani, kryetarja e Kuvendit dhe deputetja më e votuar në zgjedhjet e fundit, si dhe deputetët Haxhi Avdyli dhe Ardian Shala.

Qeveria Kuti do të vazhdojë punën deri sa të votohet qeveria e re.

Adresa juaj e emailit nuk do bëhet publike.

Lajme te ngjashme