Një viktimë dhe 28 të infektuar të rinj në 24 orë, shkon në 174 totali

Nga Exit News
Një viktimë dhe 28 të infektuar të rinj në 24 orë, shkon në 174 totali

28 persona të rinj u me Covid-19 janë zbuluar në 24 orët e fundit, duke e çuar numrin total në 174 të infektuar.

Një 71-vjeçare nga Tirana, e infektuar me koronavirus, vdiq mbrëmjen e së mërkurës në Spitalin Infektiv, duke e çuar në 6 numrin e viktimave në vend. Ajo vuante nga hipertensioni.

Mes të infektuarve janë dhe 4 fëmijë, kontakte të rasteve pozitive, janë pa shenja klinike dhe në gjendje të mirë shëndetësore.

Në informimin e përditshëm, të enjten paradite, Eugena Tomini njoftoi se harta e personave të prekurve është zgjeruar gjatë 24 orëve të fundit në Tropojë me dy persona të prekur.

Në 24 orët e fundit janë testuar 103 persona të dyshuar, ndërsa në total janë testuar 1144 persona, ku:

– 174 persona janë të prekur nga koronavirusi,

– 17 janë shëruar,

– 6 kanë vdekur,

– 73 persona janë të shtruar në spital,

– 3 prej tyre janë në terapi intensive, 2 prej të cilëve janë të intubuar në gjendje të rëndë.

Pjesa tjetër e pacientëve është e vetëkarantinuar në shtëpi.

Pacientët e shëruar duhet të qëndrojnë në vetëkarantinim për 14 ditë.

Përhapja e koronavirusit deri më 25 mars është sipas këtyre zonave:

— Në Tiranë: 102 persona; dy prej të cilëve kanë ndërruar jetë;

— Në Durrës: 10 persona, përfshi një të moshuar që ndërroi jetë;

— Në Fier:  18 persona, një prej të cilëve ndërroi jetë;

— Në Lushnje: 4 persona; një prej të cilëve ndërroi jetë;

— Në Elbasan:  5 persona;

— Në Rrogozhinë:  2 persona;

— Në Kavajë: 4 persona, një prej të cilëve ndërroi jetë;

— Në Korçë: 11 persona;

— Në Vlorë: 5 persona;

— Në Shkodër: 3 person;

— Në Lezhë: 4 person;

— Në Has: 2 persona;

— Në Berat: 1 person.

— Në Krujë: 1 person.

— Në Tropojë: 2 persona.

Deri tani, të gjithë personat e prekur kanë pasur kontakte me pacientët e mëparshëm ose kanë pasur histori udhëtimi në Itali.

3 komente

    Adresa juaj e emailit nuk do bëhet publike.

    Lajme te ngjashme