Si po përhapet koronavirusi në Shqipëri: të dhënat e të infektuarve të fundit

Nga Exit News
Si po përhapet koronavirusi në Shqipëri: të dhënat e të infektuarve të fundit

28 persona të infektuar me koronavirus u zbuluan në 24 orët e fundit.

Mes tyre, 19 persona janë në Tiranë, duke çuar numrin e të prekurve në qytet në 102, ose sa 60 për qind e të prekurve në total.

Ndërsa personat e tjerë me Covid-19 zbuluar 24 orët e fundit janë:

 – Në Tropojë: 2 persona,

 – Në Elbasan: 2 persona,

 – Në Durrës: 1 person,

 – Në Fier: 4 persona.

Dy personat e parë të infektuar në Tropojë janë një çift: bashkëshorti punon në Shërbimin Informativ në Tropojë, ndërsa bashkëshortja është mësuese.

Në Elbasan 2 personat e rinj të infektuar janë dy vëllezër, 22 dhe 25 vjeç. Ata janë në gjendje të mirë shëndetësore dhe janë në izolim në shtëpinë e tyre. Ata janë djemtë e pacientit 62-vjeçar, që u zbulua dje si i prekur me koronavirus.

Në Durrës, personi i infektuar është një punonjës i drejtorisë së policisë së Durrësit. Kolegët më të afërt të tij janë izoluar në shtëpitë e tyre.

Në Fier, personat e rinj të infektuar janë kolegë të punonjësit të degës së Thesarit të qytetit, i zbuluar me koronavirus dy ditë më parë.

Ndërsa për të infektuarit në Tiranë nuk ka ende informacion nëse janë kontakte dhe familjarë të pacientëve të mëparshëm apo ka vatra të reja.

Adresa juaj e emailit nuk do bëhet publike.

Lajme te ngjashme