Vodafone konfirmon pretendimin e Bashës, nuk e dërgoi ai pyetjen SMS për Ramën

Nga Exit News
Vodafone konfirmon pretendimin e Bashës, nuk e dërgoi ai pyetjen SMS për Ramën Foto ilustruese nga emisioni Open në Top-Channel.

Pyetja që iu lexua Kryeministrit Edi Rama të mërkurën në emisionin Open të Eni Vasilit nuk u dërgua nga Kryetari i Partisë Demokratike Lulzim Basha.

PD bëri publike shqyrtimin që kompania Vodafone i ka bërë rastit, nga ku rezulton se:

“[…] SMS-ja e marrë në numrin 06XXXX80 [celulari i Vasilit] […] është dërguar nga një platformë e huaj SMS në internet për dërgimin e SMS-ve jashtë rrjetit Vodafone, ku në ID-në e dërguesit është vendosur numri 06XXXX70 [celulari i Bashës] dhe nuk rezulton si SMS e vërtetë e dërguar nga numri i mbajtur nga z.Basha.”

Në shkresë theksohet se komunikimet e mëparshme të gazetares Vasili dhe Bashës kanë qenë në formën e I-Message (mesazhe që dërgohen vetëm mes celularëve Apple) ndërsa pyetja në fjalë ishte dërguar si SMS e thjeshtë.

Të mërkurën gazetarja Vasili i drejtoi Kryeministrit Rama një pyetje, të cilën ajo tha se i erdhi me SMS prej kryetarit të PD-së Basha:

“A jeni i gatshëm të ma lini mua postin e Kryeministrit dhe të bëhem unë Kryeministër?”

Rama fillimisht u shpreh mosbesues nëse kjo pyetje vinte nga Kryetari i PD-së, më pas e ironizoi se një pyetje të tillë ai mund ta kishte formuluar “në gjumë”.

Pas situatës në studion e Top-Channel, Kryetari i PD-së, Basha mohoi t’i kishte nisur pyetjen në fjalë gazetares Vasili.

Basha kërkoi hetim të menjëhershëm të rastit, të cilin e konsideroi “skandaloz dhe kriminal” të ardhur nga “zyrat e propagandës së qeverisë”.

1 koment

  1. toni 20 Mars, 2020 në 5:51 pm

    Doli Eni Vasili te kerkoje ndjese si e peshkuar ? apo bashkepunetore?

    Ky eshte target phishing qe fillon nga zyra e Kryeministrit

    Turp Eni Vasili Turp

    Je bere mu si Mero nevojtorja

Adresa juaj e emailit nuk do bëhet publike.

Lajme te ngjashme