28 ish-ushtarakë dyshohen për vrasjen e presidentit të Haitit

Nga Exit News
28 ish-ushtarakë dyshohen për vrasjen e presidentit të Haitit

Vrasja e Presidentit të Haitit, Jovenel Moise u krye nga një grup prej 28 personash të huaj sipas policisë vendase, raporton BBC.

Pas një përplasjeje me armë në kryeqytetin Port-au-Prince, 17 prej tyre u arrestuan, tre u vranë nga policia dhe tetë janë ende në kërkim.

Është ende e paqartë se kush e organizoi sulmin dhe me çfarë motivi.

Orët e para të mëngjesit të mërkurës, persona të armatosur hynë në shtëpinë e presidentit në Port-au-Prince, duke vrarë atë duke lënë të plagosur gruan e tij.

Skuadra e mercenarëve përfshinte kryesisht ish-ushtarakë kolumbianë, gjashtë prej të cilëve janë konfirmuar edhe nga qeveria e Kolumbisë e cila është zotuar të ndihmojë Haitin.

Mes autorëve të vrasjes janë konfirmuar edhe dy persona vendas.

Departamenti i shtetit i SHBA, ndërkohë, tha se nuk mund të konfirmonte nëse ndonjë nga shtetasit e arrestuar ishte amerikan.

Në media amerikane dhe kanadeze po raportojnë se një nga shtetasit e arrestuar është nga Florida dhe ishte një ish-truprojë në ambasadën Kanadeze në Haiti.

Vrasja e presidentit ka shkaktuar trazira civile në Haiti, shteti më i varfër në kontinentin e Amerikës.

Rreth 60% e popoullsisë prej 11 milionë banorësh të Haitit jetojnë në varfëri.

Haiti ka qenë prej kohësh i karakterizuar nga paqëndrueshmëria politike dhe ekonomike, dhe së fundmi nga lufta e grupeve kriminale.

Që prej vitit 2019, presidenti Moise qeveriste me dekret të veçantë pasi zgjedhjet u shtynë. Protesta të mëdha janë zhvilluar që nga ajo kohë ku kërkohej dorëheqja e Moise.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>