5 milion viktima nga koronavavirusi në botë

Nga Exit News
5 milion viktima nga koronavavirusi në botë

Pandemia e koronavirusit ka shkaktuar deri tani rreth 5 milion viktima në të gjithë botën, sipas statistikave të agjencisë meditike Reuters.

Personat e pavaksinuar konsiderohen më të prekshëm nga varianti shumë infektiv Delta.

Sipas një analize të Reutersu gjysma e vdekjeve, 2.5 milion u regjistruan në mbi një vit, ndërsa 2.5 milion vdekjet e tjera u regjistruan në më pak se tetë muaj.

Mbi gjysma e vdekjeve në rang global, të raportuara në një mesatare shtatë ditore, ishin nga Shtetet e Bashkuara, Rusia, Brazili, Meksika dhe India.

Më shumë se gjysma e botës ende nuk ka marrë të paktën një dozë të një vaksine COVID-19, sipas Our World in Data.

Organizata Botërore e Shëndetit këtë javë tha se programi i saj i shpërndarjes COVAX, për herë të parë, do të shpërndajë doza vetëm në vendet me nivelet më të ulëta të vaksinimit.

Si rajon, Amerika e Jugut ka numrin më të lartë të vdekjeve në botë, rreth 21% të të gjitha vdekjeve të raportuara, e ndjekur nga Amerika e Veriut dhe Evropa Lindore  me mbi 14% të numrit të përgjithshëm vdekjeve secila.

Ndërkohë, India, një nga vendet e para të prekura rëndë nga varianti Delta, ka kaluar nga një mesatare prej 4 mijë vdekjesh në ditë në më pak se 300 vdekje në ditë.

Tashmë, varianti Delta përbën variantn dominues të Covid-19 në të gjithë botën dhe është identifikuar në 187 nga 194 vendet anëtare të Organizatës Botërore të Shëndetit.

LEXO  Dënohet me 2 vite burg ish-kryeprokurori Llalla

 

Adresa juaj e emailit nuk do bëhet publike.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>