53 punonjës të një fabrike tekstilesh në Maqedoninë e Veriut janë infektuar me Covid-19.
Sipas njoftimit të kompanisë, 80 për qind prej tyre nuk kanë simptoma, çfarë e ka bërë të vështirë zbulimin se virusi prej ditësh po përhapej në fabrikë.
Pjesa tjetër e të infektuarve kanë simptoma të lehta.
Javët e fundit numri i të infektuarve ditorë në Maqedoninë e Veriut është rritur ndjeshëm.
Në 24 orët e fundit janë zbuluar 164 raste të reja dhe humbur jetën 5 persona.
Deri më tani, në total numri i të infektuarve është 8 786, ndërsa numri i viktimave është 406.
