55 kandidatët për BKH-në nisin fazën e intervistave

Nga Exit News
55 kandidatët për BKH-në nisin fazën e intervistave

Komisioni i Përzgjedhjes së oficerëve të BKH-së ka nisur, të premten, intervistimin e 55 kandidatëve të kualifikuar.

Kjo fazë pritet të zgjasë deri në 21 nëntor 2020.

Kandidatët e kualifikuar nga faza e intervistimit do të përballen dhe me testin e poligrafit dhe procesin e vetingut.

Gara për oficerë të Byrosë Kombëtare të Hetimit pritet të hapet sërish pasi BKH duhet të ketë 60 oficerë.

Në skenarin më të mirë, sikur të 55 kandidatët e mbetur në garë të kalojnë me sukses të gjitha fazat e mbetura, sërish do të mbeten pesë vende bosh.

Procesi i përzgjedhjes, po asistohet dhe monitorohet nga afër nga Komisioni Ndërkombëtar i Ekspertëve, që garanton transparencë dhe objektivitet maksimal në këtë proces.

BKH do të jetë struktura e specializuar e Policisë Gjyqësore, që heton veprat penale të zyrtarëve të lartë dhe rastet e krimit të organizuar. Ajo do të punojë pranë Prokurorisë Speciale Anti-Korrupsion (SPAK).

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>