Evropa refuzon azilkërkuesit shqiptarë

Evropa refuzon azilkërkuesit shqiptarë

Megjithëse vendet evropiane kanë pranuar 710 mijë azilkërkues gjatë vitit 2016, nga azilkërkuesit shqiptarë vetëm 3,1 për qind janë pranuar. Kështu raporton Eurostat në një raport për dhënien e statusit të mbrojtjes nga gjykatat e 28 vendeve të Bashkimit Evropian.

Në rastin e Shqipërisë, megjithëse kërkesat kanë vazhduar të jenë të larta në numër, gjykatat evropiane kanë vendosur të mos japin statusin e mbrojtjes në 96,9 për qind të rasteve. Shqipëria bën pjesë në vendet e sigurta për jetën e njeriut, pra vend jo në situatë lufte apo konflikti, ndaj kërkesat e shqiptarëve për azil nuk kanë përparësi.

Një tjetër shkak për rënien e pranimit të azilkërkuesve në rastet kur jeta e tyre nuk kërcënohet, janë dhe politikat bllokuese që ndjekin vendet e BE-së ndaj emigrantëve, pas sulmeve terroriste që kanë ndodhur, shumica të kryera nga azilantë apo refugjatë.

Ndërkohë, qytetarëve kosovarë i është dhënë statusi i mbrojtjes nga gjykatat evropiane në vetëm 4,9 për qind të rasteve, atyre serb në 1,7 për qind të rasteve, e maqedonasve në 0,6 për qind të rasteve.

Sipas raportit, grupi më i madh i përfituesve të statusit të mbrojtjes në BE, në vitin 2016, janë sirianët (405 600 personat), pasuar nga irakenët (65 800 persona) dhe afganët (61 800 persona). Shumica e këtyrë qytetarëve e kanë përfituar statusin e mbrojtjes nga gjykatat gjermane.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>