“Bosët e krimit mund të lëvizin lirshëm për shkak të lidhjeve të tyre me njerëz me ndikim. Shqipëria ka nivelin më të ulët të arrestimit për akte kriminale dhe problemi është mosndëshkueshmëria.”
Këto ishin disa nga akuzat më të forta që ambasadori amerikan Donald Lu i drejtoi sot politikanëve shqiptarë. I pranishëm në një konferencë, ambasadori u shpreh i shqetësuar për lidhjet e krimit të organizuar me politikën.
Ambasadori Lu, gjithsesi, deklaroi mbështetjen e SHBA-ve për të luftuar krimin me anë të bashkëpunimit dhe zbatimit të reformës në drejtësi.
