Agjensia Europiane e barnave: Nuk kemi identifikuar faktor rreziku lidhur me vaksinat AstraZeneca

Agjensia Europiane e barnave: Nuk kemi identifikuar faktor rreziku lidhur me vaksinat AstraZeneca

Rregullatori i barnave në Evropë tha të mërkurën se nuk kishte identifikuar ende ndonjë faktor rreziku si mosha, seksi ose një histori të mëparshme të çrregullimeve të mpiksjes së gjakut, për rastet e mpiksjes të raportuara pas vaksinimit me AstraZeneca-n.

Deklarata e Agjencisë Evropiane të Barnave (EMA) vjen pasi disa vende duke përfshirë Kanada, Gjermani, Francë dhe Spanjë e kufizuan përdorimin e vaksinës te grupmoshat më të rrezikuara.

EMA ritheksoi se përfitimet e vaksinës i tejkalojnë rreziqet, por paralajmëroi që njerëzit duhet të jenë të vetëdijshëm për “mundësinë e largët” të mpiksjeve të rralla të gjakut.

Ata duhet të kërkojnë kujdes të menjëhershëm mjekësor në rast të shfaqjes së simptomave.

Një lidhje shkakësore me vaksinën nuk është provuar, por është e mundur dhe hetimet e mëtejshme vazhdojnë,” tha vëzhguesi.

Hetimet nga rregullatori evropian dhe disa autoritete të tjera kombëtare janë duke u zhvilluar, pasi hetimet fillestare e konsideruan vaksinën të sigurt për përdorim pas shtrimeve në spital me mpiksje, duke përfshirë mpiksje të rralla në tru, gjakderdhje dhe trombocite të ulëta.

Komiteti i sigurisë i EMA po shqyrton rastet e mpiksjeve dhe të hënën thirri një takim të ekspertëve për të studiuar më tej rastet e raportuara, të lidhura me vaksinën e zhvilluar së bashku me Universitetin e Oksfordit.

Shefi i EMA Emer Cooke pritet të informojë mediat më vonë mbi hetimet e deritanishme.

LEXO  Marrëdhënia e çuditshme e Donald Lu me  peshkimin

 

The post Agjensia Europiane e barnave: Nuk kemi identifikuar faktor rreziku lidhur me vaksinat AstraZeneca appeared first on https://www.reuters.com/article/us-health-coronavirus-astrazeneca-europe/eu-drug-watchdog-says-no-clot-risk-factor-yet-linked-to-astrazeneca-vaccine-idUSKBN2BN27Q

Lajme te ngjashme