Aktivistët e diasporës: Politika e sheh me shqetësim votën e emigrantëve

Nga Exit News
Aktivistët e diasporës: Politika e sheh me shqetësim votën e emigrantëve

Mundësimi i votës do e lidhë më shumë diasporën me realitetin shqiptar.

Kështu u shprehën në emisionin “Me Pak Fjalë” drejtuesit e shoqatës Diaspora për Shqipërinë e Lirë, Florian Haçkaj dhe Bledar Milaqi, ndërsa treguan si do ta ndikojë vota e emigrantëve nga jashtë vendit në Shqipëri.

Jashtë Shqipërisë kanë të drejtë vote 1.3 milionë shqiptarë të cilët nëse arrijnë të votojnë nga aty ku banojnë, do të ndikojnë në rezultatin e zgjedhjeve në vend.

Këtë fakt politika “e sheh me shqetësim” tha Bledar Milaqi, “pasi është votë e pakontrollueshme, konsiderohet se pjesa e freskët e diasporës është ajo më kritike me establishmentin politik në Shqipëri”, shtoi ai.

Por përpos zgjedhjeve, mundësimi i votës ta afrojë diasporën më shumë me realitetin ekonimik dhe shoqëror.

Sipas Florian Haçkajt “diaspora do të shkojë përtej remitancave dhe do të ndikojë shumë më shumë” në ekonominë e Shqipërisë.

“Ne e kemi dëshirën dhe nevojën shpirtërore që të sakrefikojmë për vendin” deklaroi ai.

Të dy aktivistët theksuan se pjesëmarrja e diasporës në zgjedhje do të rrisë llogaridhënin e deputetëve pasi ata nënvizuan faktin se pjesa më e madhe e shqiptarëve jashtë janë të mirëshkolluar, janë të shumtë në numër dhe se nuk ndodhen në mes të polarizimit politik brenda vendit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>