Ambasadorja e SHBA-ve në Tiranë Yuri Kim akuzoi Agjensinë Telegrafike Shqiptare (ATSH), agjensi shtetërore e lajmeve, për keqinformim, në lidhje me deklaratat e saj në konferencën për luftën ndaj korrupsionit.
Në një postim në Twitter, të mërkurën, ambasadorja shkruan se:
“Ky titull është keqdrejtues dhe duhet të korrigjohet. Kjo nuk është ajo çfarë unë thashë”.
“Këtu gjeni atë që unë thashë”, shkruan ambasadorja duke postuar lajmin e saj nga faqja zyrtare e Ambasadës.
Ambasadorja u shpreh dje, më 13 tetor, në konferencën e nivelit të lartë se “qeveria duhet të demostrojë që po punon në emër të qytetarëve e jo të interesave të ngushta”.
Agjensia Telegrafike e Lajmeve është agjensi shtetërore e lajmeve e drejtuar nga Armela Imeraj, ish-zëdhënëse e Kryeministrit Rama.
