Ambasadorja Kim takime të veçanta me Gjiknurin, Hajdarin, Vasilin e Bylykbashin

Nga Exit News
Ambasadorja Kim takime të veçanta me Gjiknurin, Hajdarin, Vasilin e Bylykbashin

Ambasadorja amerikane Yuri Kim do të zhvillojë takime të veçanta me katër anëtarët e Këshillit Politik, Gjiknurin, Hajdarin, Vasilin dhe Bylykbashin, para mbledhjes së radhës së këshillit.

Këto takime do të zhvillohen para orës 17:00 kur është parashikuar mbledhja e radhës e këshillit për Reformën Zgjedhore.

Kujtojmë se gjatë ditëve të fundit, ambasdorja ka takuar personalisht dhe kryeministrin Rama e krytarin e PD-së Lulzim Basha. Këta të fundit kanë shprehur vendosshmërinë për ta përfunduar reformën brenda 31 majit.

Deri tani, shumica dhe opozita kanë rënë dakord për sistemin e financimit të partive, kuotat gjinore dhe ndryshimin e periudhës zgjedhore. Ndërsa tashmë është e qartë se sistemi zgjedhor në vend nuk do të ndryshojë.

Burime për Exit News kanë raportuar se përfaqësuesit e opozitës dhe të shumicës në Këshillin Politik kanë rënë dakord të bëjnë ndryshime të natyrës administrative, por jo të ndryshojnë sistemin zgjedhor.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>