Anëtarja e Komisionit të Venecias: problemet e Shqipërisë krijohen nga vetë politikanët

Nga Exit News
Anëtarja e Komisionit të Venecias: problemet e Shqipërisë krijohen nga vetë politikanët

Anëtarja e Komisionit të Vencias Prof. Angelika Nussberger ka thënë për Deutche Welle se pas opinionit të Komisionit për Gjykatën Kushtetuese, nuk ka vend për interpretime të tjera. Gjatë intervistës, Nussberger thekson 5 pika kryesore për dialogun politik dhe reformën në drejtësi:

1 — Krijimin e shpejtë të Gjykatës Kushtetuese sipas opinioni të Komisionit të Venecias

“Hapi tjetër i nevojshëm është të ecet përpara me emërimet e tjera të gjyqtarëve të Gjykatës Kushtetuese. Mbi bazën e opinionit të Komisionit të Venecias rruga përpara tani duhet të jetë e qartë”.

2 — Ngërçi në Gjykatën Kushtetuese u krijua për shkak të mekanizmave të komplikuar

“Kushtetuta e Shqipërisë vendos një mekanizëm të komplikuar për emërimin e gjyqtarëve të Gjykatës Kushtetuese. Parashikimet kushtetuese çuan në mosmarrëveshje. Kështu që nuk ka vend për interpretime”.

3 — Kriza kapërçehet vetëm me dialog

“Për të kapërcyer krizën kërkohet dhe është thelbësore arritja e një konsensusi të gjerë për një dialog konstruktiv, ndërinstitucional dhe bashkëpunimi mes institucioneve të shtetit.”

4 — Nuk do të ketë bllokim politik nëse ndiqen këshillat e Komisionit

“Njëherë për njëherë, megjithatë Komisioni i Venecias ka shpjeguar si funksionojnë mekanizmat kushtetues. Kështu që edhe nëse nuk ka konsensus për ndryshimin e Kushtetutës, nuk ka asnjë arsye për një bllokadë politike”.

5 — Problemet në Shqipëri të krijuara nga mosdialogu politik

“Nga perspektiva jashtë duket, se problemet janë “self-made” -të krijuara vetë dhe çdo gjë do të rregullohet sa më shpejt që aktorët politikë të bashkojnë përpjekjet e tyre për të gjetur zgjidhje të mira të përbashkëta”.

Intervistën e plotë e gjeni këtu.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>