Këngëtarja Anxhela Peristeri do të përfaqësojë Shqipërinë në Eurovision vitin e ardhshëm.
Ajo u shpall fituese e Festivalit të Këngës me këngën “Karma”.
Në vend të dytë u rendit Sardi Struga kurse në vend të tretë Festina Mezini.
Me 21 dhjetor nisi festivali i këngës shqiptare, i cili vazhdoi për tre ditë më rradhë.
Në garë ishin 25 artistë nga të cilët një do të përzgjidhet për të përfaqësuar Shqipërinë në Eurovision.Festivali u mbajt në një ambient të hapur mbrapa stadiumit kombëtar Air Albania.
Organizatorët e festivalit njoftuan në korrik se festivali do të zhvillohej pavarësisht pandemisë.
Fituesja e vitit të kaluar, Arilena Ara do të shkonte në Roterdam për Eurovizionin e këtij viti, por festivali u anulua për shkak të pandemisë. Kjo do të thotë që ajo nuk ka mundësi të realizojë ëndrrën e saj në Eurovizion me këngën e saj “Shaj”. Tani, pasi Festivali do të zhvillohet në dhjetor, do të zgjidhet një këngë e re për Eurovision.
Festivali i Këngës është një konkurs vjetor i muzikës së lehtë i organizuar nga RTSH. Jo vetëm që është një ekspoze e talenteve shqiptare, por përcakton përfaqësuesin në festivalin europian Eurovision. Ajo zhvillohet çdo vit që nga viti 1962. Filloi transmetimin e parënë radio dhe përparoi duke kaluar në televizion ndër vite
Konkursi i parë u fitua nga Vace Zela me këngën e quajtur ‘Fëmija i Parë’. Gjatë komunizmit, muzika ishte rreptësisht neutrale dhe e lehtë. Me kalimin e kohës u bë një mjet propagandistik për partinë komuniste.
Më 1972, diktatori Enver Hoxha persekutoi organizatorët e festivalit dhe i shpalli ata “armiq të popullit”. Ata u akuzuan për përfshirjen e “aspekteve imorale” në këngë dhe valle. Pas kësaj, Partia Komuniste vendosi sanksione dhe censurë të rreptë në konkurs duke përfshirë llojin e muzikës, vallëzimin, tekstin dhe veshjen.
