Apeli i Posaçëm pushon përfundimisht çështjen e tre gjyqtarëve të Dritan Dajtit

Nga Exit News
Apeli i Posaçëm pushon përfundimisht çështjen e tre gjyqtarëve të Dritan Dajtit

Gjykata e Posaçme të Apelit ka lënë në fuqi vendimin e shkallës së parë për të pushimin e çështjes ndaj tre gjyqtarëve të cilët votuan pro vendimit për uljen në 25 vjet të burgimit të përjetshëm të Dritan Dajtit.

Gjykata ka argumentuar se nuk ka elementë të veprës penale të shpërdorimit të detyrës.

Në 25 shtator, SPAK kërkoi për herë të dytë pushimin e çështjes ndaj tre gjyqtarëve me argumentin se nuk ka prova për të vërtetuar akuzën ndaj tyre.

Në janar të këtij viti, SPAK vendosi të pushojë çështjen për këta gjyqtarë me të njëjtin argument.

Por Gjykata e re Kundër Korrupsionit dhe Krimit të Organizuar vendosi se SPAK nuk ka bërë hetime të mjaftueshme për korrupsionin e mundshëm të tre gjyqtarëve që i ulën dënimin Dajtit nga 4 burgime të përjetshme në 25 vite burg për vrasjen e katër policëve.

Trupa prej pesë gjyqtarësh e Gjykatës së Apelit të Krimeve të Rënda pranoi kërkesën e Dritan Dajtit për gjykim të shkurtuar dhe ia uli atij dënimin nga burgim i përjetshëm në 25 vite burg.

Në shkurt të 2019, policia ushtroi kontroll në banesat e tre gjyqtarëve të çështjes Dajti. Sipas policisë, kontrolli erdhi si pasojë e informacioneve se gjyqtarët kanë shpërdoruar detyrën dhe kanë dhënë një vendim në kundërshtim me ligjin.

Policia ndaloi gjyqtarin e çështjes Dajti, Skënder Damini. Policia gjeti armë, municione dhe 20 mijë euro në banesën e tij. Njëra armë ishte pa leje.

Në një artikull të mëparshëm, Exit argumetoi se vendimi i SPAK për të pushuar çështjen e gjyqtarëve i jep një goditje të fortë besimit të publikut për këtë institucion të shumëpritur për të luftuar korrupsionin dhe krimin e zyrtarëve të lartë.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>