Arrestohet kreu i hidrokarbureve Klodian Gradaci, akuzohet si pjesë e një skeme mashtrimi

Nga Exit News
Arrestohet kreu i hidrokarbureve Klodian Gradaci, akuzohet si pjesë e një skeme mashtrimi

Policia ka arrestuar të martën drejtorin e Hidrokarbureve në Agjencinë Kombëtare të Burimeve Natyrore (AKBN), Klodian Gradeci, i akuzuar për përfshirjen në një skemë mashtrimi që mendohet se ka shkaktuar dëm prej 1,5 milionë eurosh në buxhet.

Gradeci është arrestuar në aeroportin e Rinasit, kur po kthehej nga Turqia, disa ditë pasi ishte larguar nga vendi. Gjatë largimit të tij, në Shqipëri janë arrestuar dhe 3 punonjës të tjerë të Agjencisë Kombëtare të Burimeve Natyrore (AKBN), të dyshuar si pjesë e skemës.

Si ka nisur hetimi?

Hetimet për çështjen kanë nisur mbi bazën e kallëzimit penal të drejtorit të përgjithshëm të shoqërisë “Albpetrol Sh.A’.

Nga hetimet ka rezultuar se shoqëria “Phoenix petroleum” ( me drejtues Naim Kasën dhe Isuf Berberin) e cila me marrëveshje Hidrokarbure të miratuar nga Këshilli i Ministrave dhe të ndjekur për ecurinë e saj nga AKBN ka shfrytëzuar disa puse nafte.

Ndërkohë me qëllim plotësimin e detyrimeve, pra investimeve të detyrueshme për këto puse nafte dhe në kushtet kur këto investime nuk i ka kryer, kjo shoqëri ka paraqitur në AKBN tetë fatura të falsifikuara për shërbime që realisht nuk i ka përfituar kompania amerikane “Black Swan Energy Service”.

Falsifiteti i këtyre faturave është konfirmuar nga autoritetet gjyqësore amerikane dhe vlera totale e tyre është 1.3 milion dollarë.

Punonjësit e AKBN Denis Durrsi, Qzni Hoxhaj, Rezarta Qose dhe Klodian Gradeci kanë certifikuar në mënyrë të paligjshme punimet e pakryera të pasqyruara në këto fatura si të kryera.

Po kështu, punonjësit e administratës tatimore (Arben Doda dhe Simon Marku) kanë përpiluar një raport kontrolli në kundërshtim me ligjin duke bërë që kjo administratë të pësojë një dëm prej 568000 dollarë.

Dëmi që ka pësuar në mënyrë të drejtpërdrejtë AKBN nga veprimet e paligjshme të punonjësve të saj është më shumë se 1.4 milion dollarë.

1 koment

Adresa juaj e emailit nuk do bëhet publike.

Lajme te ngjashme