Arta Vorpsi kërkon njohjen e mandatit, 4 anëtarët e Gjykatës Kushtetuese e hedhin për votim

Nga Stafi i Exit
Arta Vorpsi kërkon njohjen e mandatit, 4 anëtarët e Gjykatës Kushtetuese e hedhin për votim

Arta Vorpsi i ka kërkuar sot 4 anëtarëve të Gjykatës Kushtetuese (GJK) njohjen e mandatit të saj dhe anëtarët nuk kanë dalë dot në një vendim për faktin se me votim dy kanë votuar pro dhe dy kundër.

Burime për BalkanWeb kanë bërë me dije se në një mbledhje të zhvilluar sot në GJK, Zonja Vorpsi i ka paraqitur një kërkesë anëtarëve Vitore Tusha, Besnik Muçi, Elsa Toska dhe Fiona Papajorgji. Ajo u ka kërkuar atyre njohjen e mandatit të saj.

BalkanWeb raporton se anëtarët e GJK kanë debatuar dhe janë ndarë në mendimet etyre pro dhe kundër.

Kujtojmë se në vendin e pretenduar nga Arta Vorpsi, Presidenti Ilir Meta dekretoi zgjedhjen e Marsida Xhaferllari. Kjo e fundit thuhet se nuk ka marrë pjesë në mbledhje për konfliktit të mundshëm interesi.

Zonja Vorpsi anashkaloi ceremoninë e betimit përpara Presidentit për mbrojtjen e Kushtetutës duke u betuar me një akt noterial.

Mbetet e paqartë kompetenca ligjore e njohjes së mandatit të një anëtari me një kërkesë dhe votim të tillë, por vlen të theksohet se sot, përmes një rezolute Kuvendi i kërkoi të gjitha institucioneve mos-zbatimin e dekretit të Presidentit Ilir Meta për emërimin e Marsida Xhaferllarit anëtare të GJK.

1 koment

  1. Koli 15 Nëntor, 2019 në 5:11 pm

    Sot 2 gjyqtaret e emeruara nga Rama pa asnje dite pune si gjykatese, kane mbeshtetur kerkesen , ose per ta kuptuar me mire kane thene qe vendi i takon Arta Vorpsit

    Kjo gje PRITEJ ,qe gjykimin e pare te dyja te emeruarat Fiona dh Elsa jane shprehur PRO Rames

    Niveli le shume per te deshiruar Ne fakt eshte nivel juristesh medioker

    TURP per ju o gjyqtaret sherbetore apo punonjes noterie te RAMES

    Gjyqtare me asnje dite pune si gjykates i shkalles se pare , dhe asnje vendim te marre ne jeten e tyre gjyqtare medioker qe skaluat as testin e te sapodiplomuarve per juridik

Adresa juaj e emailit nuk do bëhet publike.

Lajme te ngjashme