Asgjë nuk ndryshon, teatri do shëmbet dhe kullat do të ndërtohen

Nga Exit News
Asgjë nuk ndryshon, teatri do shëmbet dhe kullat do të ndërtohen Stadiumi Teatri Veliaj Rama

Pavarësisht tërheqjes nga formula PPP për ndërtimin e Teafrit Kombëtar dhe zhvillimin me ndërtime të larta të zonës përqark, projekti do të zbatohet njësoj.

Plani i qeverisë mbetet i pandryshuar: ndërtesa e teatrit do të prishet për të ndërtuar dhe ndërtesat private do të ndërtohen duke betonizuar krejtësisht zonën qendrore të Tiranës.

Teatri i ri do të ndërtohet me para publike me prokurorim publik, me shumë gjasa nga njëri prej ndërtuesve të zakonshëm klientë të qeverisë. Nënkryetari i Bashkisë Tiranë, Arbjan Mazniku u shpreh për News24 se qeveria do të investojë 30 milionë euro për të, aq sa ishte kostoja e propozuar në projektin e kompansië Fusha shpk.

Ky vendim është një diskreditim i justifikimit të vetëm për PPP-në dhe ligjin special, pikërisht pretendimit se shteti nuk kishte para ndaj po bënte partneritet me privatin.

Mazniku ka konfirmuar se ndërtimi i kullave private do të miratohet si zhvillim privat, sikurse deklaroi, bazuar mbi ligjet e zhvillimit urban dhe ndërtimit.

Mazniku u shpreh gjithashtu se parkingu publik pas ndërtesës së teatrit është pronë e braktisur, dhe se çfarë do të bëhet me të do të vendosë Këshilli Bashkiak.

Kjo deklaratë dhe sidomos përdorimi i termit “pronë e braktisur, që është një absurditet në rastin e pronës publike, me shumë gjasa nënkuptojnë tjetërsimin e saj.

Pak kohë më parë, Kuvendi ka miratuar ligjin që nëse një pronë publike është e rrethuar nga prona private, atëhere ajo mund t’i shitet zhvilluesit privat me çmime të ulta.

Në fakt e gjithë zona pas teatrit synon të zhvillohet nga tre oligarkë të mëdhenj pranë qeverisë, të cilët kanë hyrë apo janë në negociata zhvillimore me pronarët e pronave të zonës. Ndërtuesi Fusha është i vetmi që është shfaqur publikisht duke blerë edhe disa trualle në zonë, ndërsa oligarkët e tjerë kanë preferuar që të ruajnë fshehtësinë për momentin.

4 komente

  1. t 26 Shkurt, 2020 në 8:25 pm

    Nje m… ke per te ndertu o lal kurva,artistet qe e mbrojne nuk jane banoret e astirit

  2. E 26 Shkurt, 2020 në 9:01 pm

    Arbjan Mazniku që shkatërron Tiranën, sa vota mori ky ? Se laldhjeramani mori 11%?

  3. Doni apo nuk doni ju o mije kenetash e ju o mizakali DREJTESIA do te behet 26 Shkurt, 2020 në 9:14 pm

    Ky palo kyetar bashkie apo keshilli bashkjak te marre sebashku jane te jashteligjshem per aqe kohe qe nuk kane marre votat e shumices, pra votat e mbi 80 perqindeshit qe i bojkotoje. Duke e pare ne kete kendveshtrim Tirona ka nje kryetare dhe keshill bashkjat te jashteligjshem dhe si te tille duhet te pergjigjen para ligjit si grabites pushtetesh ne bashkepunim me nje kryeminister dhe nje parlament po te jashteligjshem dhe abuzues nga fuqia korruptive e pushteteve. Tashme koha juaj mbaroje, c’do abuzim nga fuqia e pushtetit vetem se do t’u a shtoje vitet e heqjes se lirise. Mjaft eshte MJAFT me.

Adresa juaj e emailit nuk do bëhet publike.

Lajme te ngjashme