Atletja bjelloruse kërkon strehim politik në Tokyo

Nga Exit News
Atletja bjelloruse kërkon strehim politik në Tokyo

Sportisja bjelloruse Krystsina Tsimanouskaya kërkoi strehim politik në Tokio, njoftoi media. Ajo është në kujdesin e autoriteteve japoneze dhe agjencisë së OKB -së për refugjatët, u tha gazetarëve të hënën një zyrtar i Komitetit Olimpik Ndërkombëtar.

Polonia dhe Çekia kanë ofruar të ndihmojnë atleten 24-vjeçare, e cila refuzoi të hipte në avioni pas kritikave të saj ndaj trajnerëve bjellorusë, sipas Reuters.

Ajo e kaloi natën në një hotel në aeroport.

Në një video të postuar fillimisht në Telegram, Tsimanouskaya i bëri thirrje Komitetit Olimpik Ndërkombëtar për ndihmë, duke thënë se zyrtarët e ekipit po përpiqeshin ta detyronin atë të largohej nga vendi pa pëlqimin e saj përpara se të garonte.

Ajo kërkoi ndihmë nga policia japoneze në aeroport.

Tsimanouskaya do të garonte në vrapimet 200 metra të hënën dhe stafetën 4×400 të enjten.

Atletja tha se largimi i saj nga ekipi erdhi pasi ajo kritikoi në Instagram “neglizhencën e trajnerëve tanë”, sipas NBC News.

Adresa juaj e emailit nuk do bëhet publike.

Lajme te ngjashme