Austri, kryeministri Kurz planifikon mbylljen e xhamive dhe dëbimin e imamëve

Austri, kryeministri Kurz planifikon mbylljen e xhamive dhe dëbimin e imamëve

Kryeministri i djathtë austriak Sebastian Kurz ka planifikuar mbylljen e shtatë xhamive dhe dëbimin e mbi 40 imamëve.

“Shoqëritë paralele, islami politik dhe prirjet drejt radikalizimit nuk kanë vend në vendin tonë”, deklaroi kryeministri Kurz, përpara gazetarëve në Vjenë.

Sipas tij, mbyllja e xhamive radikale dhe dëbimi i imamëvë është vetëm fillimi i një plani për të larguar ideologjinë islamike, radikalizimin dhe financimet e grupeve fetare në Austri.

Kryeministri kritikoi faktin se në të shkuarën, qeveritë austriake nuk i kanë përdorur mjaftuesëshëm kompetencat për të ndërhyrë në këtë fushë.

Gjashtë prej xhamive që po mbyllen drejtohen nga një grup i quajtur Bashkësia Fetare Arabe, ndërsa tjetra është një xhami nacionialiste turke në kryeqytet, Vienë.

Vendimi i qeverisë austriake u dënua nga Turqia, e cila e quajti vendimin “racist”, “diskriminues” dhe“anti-islamik”.

Zëdhënësi i Recep Taip Erdogan, Ibrahim Kalin u shpreh se këto praktika janë në shkelje të të drejtave të njeriut dhe të drejtave për minoritetet.

“Është një përpjekje për të sulmuar komunitetet myslimane me qëllimin e vetëm për të fituar disa pikë politikisht” e mbyll Kalin deklaratën e tij në Twitter.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>