Avokati i Popullit ngre shqetësimin për shkeljen e procedurave për shoqërimin e të miturve

Nga Exit News
Avokati i Popullit ngre shqetësimin për shkeljen e procedurave për shoqërimin e të miturve

Avokati i Popullit shprehu shqetësimin për shkeljen e procesurave për ndalimin dhe shoqërimin e të miturve gjatë protestave kundër vrasjes së Klodian Rashës.

Në një reagim në Facebook, Avokati i Popullit shprehet se të miturit duhet të trajtohen në një mënyrë të posaçme që respekton dinjitetin e tyre, duke theksuar se është detyrë e shtetit mbrojtja kundër dhunës.

“Avokati i Popullit shpreh shqetësimin institucional, se në mënyrë të përsëritur, vërehet mungesa e zbatimit të rregullave, procedurave dhe standardeve të parashikuara në Kodin e Drejtësisë Penale për të Mitur, për shoqërimin/ndalimin e të miturve nga forcat e rendit.

Sjellim në vëmendje të autoriteteve, se:

fëmijët duhet të trajtohen në atë mënyrë, që promovon ndjenjën e tyre të dinjitetit njerëzor dhe vlerave, që lehtëson riintegrimin e tyre në shoqëri (të miturit në konflikt me ligjin), që pasqyron interesin më të lartë të fëmijës dhe, merr parasysh nevojat e moshës, pavarësisht rrethanave.

Të gjithë jemi të vetëdijshëm, që lufta kundër ushtrimit të dhunës është përgjegjësi e shtetit.”

Avokati i Popullit pohoi se ka nisur hetim administrativ për këtë çështje.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>