Basha i mbyll rrugën çdo kritike ndaj tij dhe PD-së për zgjedhjet

Nga Exit News
Basha i mbyll rrugën çdo kritike ndaj tij dhe PD-së për zgjedhjet

Kryetari i Partisë Demokratike, Lulzim Basha ka folur i pari në mbledhjen e Kryesisë dhe ka vendosur piketat se si duhet të zhvillohet diskutimi.

Ai ka lënë të nënkuptohet se nuk mund të lejohen kritikat ndaj PD-së për zgjedhjet e 25 prillit, por vetëm ndaj Edi Ramës.

“Nuk mund të pranojmë që gishti duhet drejtuar në këtë sallë, përpara se ta drejtojmë te kundërshtari që kemi përballë,” u shpreh ai.

Basha deklaroi se nuk mund të ketë dy vizione të kundërta për betëjën kundër regjimit Rama-Doshi:

“Në këtë parti ka vend për të gjithë, ka vend për idetë e gjithsecilit mbi mënyrën se si duhet cuar përpara beteja me regjimin Rama-Doshi. Megjithatë, kam bindjen dhe ndjesinë e fortë se nuk mund të kemi vizione të ndryshme mbi 25 prilllin”.

Ai tha se është objekt i sulmeve denigruese nga propaganda e qeverisë:

“Jam shënjestra e parë e kësaj fushate denigruese që mbahet në këmbë nga një makineri propagandistike e madhe”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>