Basha i përgjigjet Ramës, thirrje qytetarëve të mos e votojnë

Nga Exit News
Basha i përgjigjet Ramës, thirrje qytetarëve të mos e votojnë

Kreu i Partisë Demokratike iu përgjigj kryeministrit Edi Rama pasi ky i fundit i kujtoi garën për Bashkinë e Tiranës.

“Rruga 8-vjeçare dihet se ku na ka çuar. Projeksionet e kësaj rrugë dihen po ashtu, i ka publikuar OKB-ja. Që me këto ritme Shqipëria do të katandiset në një vend me 1 milionë njerëz, shumica mbi moshën 55 vjeç”, tha Basha.

Ai u tha qytetarëve se më 25 prill nuk duhet të lejojnë që PS të marrë mandatin e tretë.

“Pas 8 vitesh dështimesh a do t’i hapet prapë dera dështakut për herë të tretë edhe 4 vjet të tjera? Sigurisht që jo! Këtë e dëgjoj kudo. Jo thoni ju, jo thotë Shkodra, jo thotë Vlora, Korça, Fieri dhe Berati”, tha Basha.

Pra, miqtë e mi mos harroni entuziazmi juaj është paralajmërimi i ndryshimit, por ndryshimi i vërtetë është përgjegjësia juaj.

Basha u tha qytetarëve se është përgjegjësia e tyre që të mos lejojnë asnjë pa dalë për të votuar kundër PS.

“Vetëm duke dal të gjithë, duke votuar numrin 9 do të vij ndryshimi të cilin e duan dhe e presin dhe e meritojnë të rinjtë shqiptarë dhe prindërit e tyre”, tha kreu i PD.

Rama tha të martën duke folur për garën për Bashkinë e Tiranës se “Basha premtonte nënë e babë para 10 vitesh, por dy i kishte spektakolare sipas tij, tramvajin dhe uljen e çmimit të bukës”.

LEXO  15 713 familje përfitojnë bonusin e bebes

Rama tha se pavarësisht se si e fitoi garën, Basha nuk pa më askënd si kryebashkiak për 4 vite “pasi sytë iu mbyllën për gjumë”.

Adresa juaj e emailit nuk do bëhet publike.

Lajme te ngjashme