Basha: Kuvendi, skllav i oligarkisë, miraton sot koncesionet korruptive të rrugëve

Basha: Kuvendi, skllav i oligarkisë, miraton sot koncesionet korruptive të rrugëve

Teksa Kuvendi pritet të miratojë sot dy koncesionet me vlerë rreth 360 milionë euro për rrugët Milot-Balldre dhe Orikum Dukat, kreu i PD Lulzim Basha tha se “këto kontrata korruptive janë grabitja më e madhë që po i bëhet shqiptarëve në 30 vitet e pluralizmit.”

Në një konferencë për shtyp, Zoti Basha u shpreh:

“Në këto momente pak metra pas meje në kuvendit e cunguar, landfillin e Republikës së Shqipërisë po finalizohet grabitja më e madhe në historinë 30-vjeçare në historinë e pluralizmit: koncesioni i rrugës Milot-Balldren i Ndue dhe Agim Kolës me vjelë 296 milionë euro dhe koncesioni i rrugës Orikum-Dukat i Lorenc Gjikurisë me vlerë 70 milion euro.”

Zoti Basha paralajmëroi deputetët që do të votojnë pro kësaj vjedhjeje, se do të hetohen nga ligji i antimafias, sapo PD të vijë në pushtet:

“Vetëm një parlament ilegjitim i përbërë jo nga burra e gra që përfaqësojnë socialistët, por skllevër të krimit e oligarkëve mund të votojnë kontrata të tilla. Vetëm një parlament peng i krimit e oligarkëve mund të bëhet noter i kësaj vjedhjeje me ligj.

Dua të paralajmëroj çdo anëtar të seancës që ngre dorën për të votuar këtë vjedhje me ligj se nesër do të jetë subjekt i ligjit antimafia. Sot po ju vëzhgojmë dhe mbajmë shënim emrat, nesër do tu ndjekim këmba-këmbës çdo qindarkë, çdo shpenzim në Shqipëri dhe jashtë saj, çdo pronë dhe pasuri e juaja do të jetë në lupën e ligjit antimafia dhe të SPAK-ut.”

Lulzim Basha tha se dëmi i këtyre kontratave korruptive në ekonominë shqiptare, rezultat i politikës kriminale ekonomike të Ramës, është i pallogaritshëm dhe do të rëndojë mbi taksapaguesit shqiptarë për dekada të tëra:

LEXO  Nishani akuzon Bashën për mbylljen e partisë

“Formula e vjedhjes së parave tuaja është shumë e thjeshtë, fryhet disa here kostoja e rrugëve, dhe gjithë fondet e fryra i merr Edi Rama, qeveritarët e korruptuar dhe klientët e tyre

Pasojat e këtij aktiviteti kriminal qeveritar janë shkatërrimtare për vendin, dhe kanë pasoja të rënda politike, në kuptimin e kapjes së shtetit nga krimi dhe ndaljen e procesit të integrimit të vendit.

Në gusht, presidenti Meta nuk dekretoi dhe ktheu në kuvend ligjet për koncesionin e rrugës Orikum-Dukat dhe rrugës Milot-Balldren.

Meta i ktheu dy koncesionet me argumentin kryesor se kishin kosto të fryra, shkelnin parimet e konkurrencës së lirë dhe barazisë përpara ligjit, nuk ishin transparente dhe cënonin interesin publik dhe financiar të vendit.

Megjithatë, socialistët në Komisionin e Ekonomisë, një muaj më vonë, në 3 shtator, rrëzuan dekretet e presidentit dhe miratuan sërish dy koncesionet me vlerë rreth 360 milionë euro.

Sot shumica socialiste pritet t’i miratojë për herë të dytë të dy koncesionet në kuvend.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>