Kryetari i PD-së Lulzim Basha përjashtoi nga grupi parlamentar i PD-së Sali Berishën, themeluesin dhe ish-kryeministrin e vendit.
Në një dalje për median, të enjten, para nisjes së parlamentit të ri Basha u shpreh se deri në përfundimin e çështjes ligjore do të përjashtojë Berishën nga grupi parlamentar:
“Për të shmangur çdo keqkuptimi, që deri në përfundim të zbardhjes së çështjes në rrugë gjyqësore, Berisha nuk do të jetë anëtar i grupit parlamentar të PD-së”.
Ai e falenderoi Berishën për kontributin e tij në PD:
“Vendimi i DASH nuk cënon arritjet nën drejtimin e Sali Berishës. Ne mbështesim kërkesën për transparencë të bërë nga Zoti Berisha. Çështja është komplekse sepse përfshin DASH.
Unë kam bërë të gjitha përpjekjet për gjetjen e një zgjidhje në lidhje me këtë cështje. Partneriteti me SHBA është i pacënueshëm dhe do të mbetet i tillë në interes të së ardhmes”.
